24 FLORENTINA

stractionis S. C. O. editae 22 Augusti 1840. Item notat prae- fatam Instructionem cavere, ut tum corporis exploratio, cum relatio peractae explorationis a singulis seorsim obstetricibus absolvantur. In casu vero ita factum esse certo non constat.

Ad quaestionem propius accedens orator, quae duplicem continet actionem, nullitatis scilicet et dispensationis ma- trimonii , de nullitate inquit absque temeritate agere non licere. Etenim exulat iuridica corporis viri revisio. Aerem autem verberat Marthae frater Petrus, dum ait, scivisse per litteras Anatolii, qui e Neapoli scribebat ad uxorem, pate- faciens suum incommodum, seu propriam ineptitudinem ad coeundum. Decantatae enim epistolae inter acta inquisitionis frustra quaeruntur. At vulgatissimum est forense adagium « quod non est in actibus, non est in mundo ».

Ipse medicus Hubertus Gabbi aliique referunt sese ex litteris professoris Bianchi a Neapoli missi ad familiam Ana- tolii, scivisse quod frustra curatus morbus illius fuerit.

At literas nec Gabbi, nec Barsanfi, nec aliquis alius exhibet. Quapropter dolet defensor, quod nec Iudex, nec vinculi Assertor memoratas epistolas actis inquisitionis inseri mandaverit. In confessis etenim est, eas asservari a Matre Marthae; quae literarum exhibitio eo magis urgebat, cum testium dicta in omnibus non plene consentire videantur.

Quo vero, prosequitur, attinet ad relaxationem matri- monii, praeter quod probata minime est inconsummatio, al- tera conditio ad dispensandum necessaria, iusta scilicet causa, omnino desideratur. Haud siquidem constat de probabili viri impotentia, nec habetur insuperabilis inter coniuges aversio, uti Marthae patronus contendit.

Hisce adductis, proposita fuerunt diluenda

Dubia

I. An constet de nullitate matrimonii in casu. Et quatenus negative:

II. An consulendum sit SS.mo super matrimonio rato et non consummato in casu.