DIVISIO ET EXPOSITIO TEXTUS.

Ut non et nos, etc.

Hic incipit ostendere modum quo sacra Scriptura utitur in traditione caelestium hierarchiarum. In prima dicit, quod sacra Scriptura utitur in descriptione caelestium hierarchiarum symbolis, non ut in eis sistamus. In secunda ponit objectiones quorumdam in contrarium, ibi, Si cui. In tertia determinat, ibi, Sed veritatis.

Littera sic legatur : Diximus, quod dicendum est ad qualem veritatem oportet nos ascendere per formas : et hoc ideo, ut non et nos eodem modo immunde, id est, erronee : sumitur enim hic pro immunditia intellectus, scilicet erroribus et ignorantiis, scilicet quando se vilioribus occupat quam siuit sua perfectio. Eodem modo dico multis, id est, sicut multi errant, ut haeretici et Philosophi, sicut Platonici, qui ponebant calodaemones et cacodaemones esse animalia aerea. Et inde Apuleius dixit: " Angeli sive don.es rentibus figura mentibus usa est, ad nostrum, uti dictum est, intellectum attendendo, nec non propriam ipsi et connaturalem ad superna transitum providendo, et ad eumdem accomodate sacras Scripturas anagogicas effigiando.

" sunt natura animalia, corpore aerea, " loco caelestia, tempore perpetua. " aestimemus caelestes et deiformes animos, id est, intellectus Deo similes, scilicet Angelos. Et dicuntur Angeli animi sive intellectus : quia intellectus est eorum essentia. aestimemus dico quosdam eorum esse multipedes et multorum vultuum : quod oporteret si per figuras traditas in spiritualem intelligentiam non ascenderemus, cum in Scripturis Angeli sic describantur. Ezech. I, 6, dicitur : Quatuor facies uni, et quatuor pennae uni. Et ne aestimemus eos formatos ad pecudalilatem boum, sicut dicitur Ezechiel. I, 6 et x, 7 et seq., quod similitudo quarti, scilicet bovis est similitudo Cherub. Et ad bestialem imaginationem, id est, similitudinem leonum, et ad speciem aquilarum curvo rostro. Et ponit hujusmodi descriptiones, ut derisibilior videatur error sic ponentium. Aut ne aestimemus effiguratos ad tripartitam commotionem alarum volatilium, sicut Isa. VI, 2, dicitur : Seraphin stabant, etc. Et ne imaginemur quasdam rotas igneas super caelum : Daniel VII, 9 : Rotae ejus ignis accensus. Et ne imaginemur thronos materiales, id est, ligneos vel similes, necessarios divinitati ad recubitum : Dan. vii, 9 : Throni positi sunt, etc. Et ne imaginemur quosdam equos multicolores, id est, multorum colorum : Zacha. I, 8 : Ecce vir ascendens equum rufum... et post eum equi varii et albi. Et ne imaginemur Angelos esse archistraiegos, id est, principes equitum, armigeros, id est, arma portantes : Josue, V, 13 et 14 : Vidit vi -

rum stantem contra se, euaginatum tenentem gladium, perrex itque ad eum, ei ait : Noster es, an adversariorum ? Qui respondit: Nequaquam:sed sum respondit princeps exercitus Domini . Et ne accipiamus quaecumque alia tradita sunt nobis ex eloquiis, id est, sacra Scriptura, sacre et formabililer, id est, liguris, in varietate, id est, diversitate, symbolorum manifestaiivorum, id est, manifestantium spiritualia.

Etenim valde. Ostenso, quod inconveniens esset sistere in symbolis sacrae Scripturae, ostendit quod Scriptura utitur eis conformando se nobis : et sic potest dividi contra primam. Construe : Non est imaginandum sic esse ut Scriptura figuris describit. Etenim, id est, quia Theologia, id est, sermo de divinis, id est, sacra Scriptura valde artificialiter id est, congruo usa est in intellectualibus non figuratis, id est, Angelis carentibus figuris, sacris formationibus, idest, figurationibus poeticis. Poeta enim, ut dicit Alpharabius in Divisione scientiarum, praevenit intellectum et rationem quibusdam figmentis. Sed talibus utitur sacra Scriptura, sacre, id est, ut per haec in sacra deducat. Usa est dico revelans nostrum animum, id est, aperiens velamen auferendo nostro intellectui reductione in spiritualia quae est per sensibilia, propria, ipsi respectu Angeli, et connaturali et reformans ad ipsum, id est, capacitati suae, sanctas Scripturas anagogicas, id est, sursum ducti vas ex sensibilibus formis.