29. De Passione Christi.

1. Audite omnes gentes
Et dicite prudentes
De passione Christi,
Per quem redempti estis.

2. Benignus est et clemens,
Qui se exinanivit,
Dum formam servi accepit
Et saeculum redemit.

3. Consilium jam factum
Testem adducunt falsum,
Christum volunt damnare,
Qui venerat salvare.

4. Ducitur salvator.
Ut impiis tradatur,
Quem Judas tradidit reus
Propter triginta argenteos.

5. Emerunt salvatorem
Per Judam traditorem,
Venditus est per zelum
Deus et homo verus.

6. Formator cunctae gentis
Emptus ad invidentes
Pergit ad immolandum,
Ut agnus ad tondendum.

7. Genus ut serpentis
Judaeorum stirpes,
Qui Christum negaverunt
Et mortem tradiderunt.

8. Hoc videns Petrus flebat,
Quem Christus jam dicebat,
Arreptum suum gladium
Malcho aurem abscidit.

9. Judas, reus mercator
Et impius falsator,
Osculum signum dedit,
Quando Christum tradidit.

10. Rapite posuerunt
Spineam coronam,
Vestem diviserunt
Et alapa caed erunt.

11. Lignis ex duabus

Crucem fixerant clavis,
Quam Simon tunc portabat,
Qui Christum cruciavit.

12. Mixtum fel et acetum
Spongia miserunt,
Arundinem arripuerunt
Potando porrexerant.

18. Noxius Pilatus
In vocem excusatus
Aqua manum lavavit
Et Christum cruciavit.

14. Orat pro inimicis,
Quod faciunt, nesciunt,
Pro impiis oravit
Et patrem invocavit.

15. Percussus est in latus
Dominus salvator,
Lympha, aqua manavit
Et mundum restauravit.

16. Qui omnia creavit,
Mortem non dubitavit,
Transeat a me calix
Iste, si fieri potest.

17. Redemerunt vinctum
Unum in diem festum,
Barrabam dimiserunt
Et Christum tenuerant.

18. Suspensi sunt latrones
Cum Christo salvatore,
Dismas abluit fidem,
Gesmas fuit crudelis.

19. Ter negavit Petrus,
Christus ut non novetur,
Ut hoc adimpleretur,
Quod illi fuit dictum.

20. Ut homines salvaret.
Se voluit tradere
Et sanguinem fudit.
Mundi peccata abluit.

21. Xristus, vocatus unctus,
Rex regum super cunctos,
Mortuus et sepultus
Et nos redemit cunctos.

22. Yecit quem praedixit,
A mortuis surrexit,
Ad inferos descendit,
Quod condidit, redemit.

23. Zelus bonus et magnus,
Christus passus ut agnus
Surrexit de sepulchro,
Vivus ascendit sursum.