Quaestio XVI.

Quaeritur, cur aliqui Religiosi sint distorti moribus et rudes .

Item quaero: unde est, quod videmus aliquos Religiosos moribus ita distortos et rudes sicut aliquos saeculares, superbos, vanos, cupidos, invidos, detractores, iracundos, contumeliosos, desides, dissolutos, avaros, inverecundos, delicatos, gulosos, garrulos, lascivos, et quod ex his oritur, forsitan incontinentes ?

Respondeo. Religio est schola virtutum, in qua, sicut in aliis disciplinis et artibus discendis, videmus , quod alius alio peritior est, alius rudior, alius diligentior, alius segnior. Haec autem differentia ex quinque causis contingit. Una causa est, quod alicubi boni informalores habentur, quorum eruditione boni discipuli nutriuntur: ubi autem non habentur, aut rudes in spiritualibus erunt discipuli, aut erroribus variis sub specie boni per sensum proprium seducuntur, habentes quidem zelum iustiore, sed non secundum scientiam , et sic a perfectione virtutum plurimi retardantur, vel ut malum aestiment bonum, aut minus bonum putent optimum, aut aliam viam, quam debeant, ad perfectionem teneant.

Secunda causa est defectus, seu inopia bonorum exemplorum, quia novi in Religione saepius tales fiunt, quales alios esse vident, sicuti in sigillis cera talem imaginem recipit, qualis fuit impressa, et sic fiunt sancti cum sanctis, boni cum

: bonis, perversi cum perversis . - Tertia causa est novitas in Religione, quia incipientes non possunt vel non habent illa quae habent provecti vel perfecti. Et ignoscendum est eis in aliquibus et patienter exspectandum, donec crescant et addiscant quae nondum apprehendere valuerunt: ad Romanos decimo quinto : Debemus nos firmiores imbecillitates infirmorum sustinere. Qui a puero exigit labores viri et ab infirmo vires robusti, a scholari unius anni vires magistri, imprudens est ; primae ad Corinthios decimo tertio: Cum essem parvulus, loque-

. bar ut parvulus etc. Ex hoc arguitur stoliditas saecularium quorundam, qui cum vident, aliquem Religiosum in aliquo offendere, omnes Religiosos despiciunt, quasi omnes tales sint, cum ipsis videretur iniustum, si quis eos propter aliena vitia deteriores haberet.

Quarta causa est defectus gratiae: non enim omnes omnia possunt . Sicut enim multi vellent esse divites et non possunt, ita non omnibus datur aequalis gratia spiritualium donorum.: ad Romanos septimo: Velle mihi adiacet, perficere

. bonum non invenio.

Quinta causa est voluntas propria.

Etsi non omnia adsint praedicta, dum quis diu stetit in Religione et bonorum exempla despexit, doctrinam non curavit, gratiam abiecit, virtuti non studuit, vitiis se subdidit, sicut heu ! plures sub Religionis habita velut dealbata sepulcra in scandalum aliis conteguntur: Matthaei vigesimo tertio : Vae vobis, scribae et Pharisaei hypocritae etc.