51

RESCRIPTUM quo sanatio indulgetur pro omnibus Tertiariis, qui defectu novitiatus anni completi, hucusque invalidam fecerunt professionem.

Die 28 Martii 1897.

Beatissime Pater,

Fr. Aloysius a Parma, Minister Generalis Ordinis Minorum S. Francisci, ad pedes Sanctitatis Tuae provolutus, humiliter ex- ponit :

Ex relatione Visitatorum III. Ordinis saecularis S. Francisci constat, haud paucos Tertiarios ad professionem fuisse receptos invalide ob defectum anni novitiatus completi. Nonnullis enim in locis praxis invaluit recipiendi Tertiarios ad professionem eodem quidem mense quo anno praecedenti fuerant recepti ad novitiatum, eodemque etiam die hebdomadis - puta Dominica I* vel II a, qua adunari solent - sed non eodem die mensis : ex quo evenit, ut multi annum novitiatus non compleverint. Sup- plicat igitur S. T., ut benigne concedere dignetur sanationem pro omnibus ubicumque terrarum, qui hucusque ex defectu novitiatus anni completi professionem fecere invalidam.

Et D e u s - Vigore specialium facultatum a SS. D. N. Leone PP. XIII

tributarum, S. C. Indulgentiis Sacrisque Reliquiis praeposita, pe- titam sanationem benigne concessit. Contrariis quibuscumque non obstantibus.

Datum Romae ex Secretaria eiusdem S. Congregationis, die 30 Martii 1897.

FR. H. M. CARD. GOTTI, Praef.

A. ARCHIEP. NICOPOLIT. Secret.

EX AEDIBUS VICARIATUS URBIS

DUBIA et resolutiones quoad piam consociationem a Sancta Familia (1).

Die 30 Martii 1897.

Dubium I. - An ii, qui cum familia quadam mensa com- muni utuntur et familiariter vivunt, in sociorum numerum ad- scisci cupientes, sub nomine illius familiae percipi possint?

(1) Recole Vol. XXV, 8 seqq. et 567, Vol. XXVII, 60.

EX S. CONGR. INDULGENTIARUM