26. In Nativitate Domini.

1. Gaudeamus in hac die,
Christus natus est,

2. Quem prophetae praedixerunt,

3. Quem pater misit in mundum.

4. Ipsum adoremus,

5. Qui fecit maria

6. Necnon et totam aridam,

7. Solem, lunam, sidus et globum.

8. Quem gloriosa
virgo Maria
et puerpera

9. Genuit, ipsum
adorant cuncti
in circuitu

10. Fulgentes sedilium,

11. Canentes regnum;
qui trinum et unum
Deum laudant atque concinunt:

12. Sanctus Deus, Sanctus fortis,
Sanctus immortalis,
gloriosus, alme conditor !

13. Tollis qui noxas
atque facinora,
concede nobis tuam
largam bonitatem ;

14. Non nos permittas
a te separari,
qui usque nunc adventum
tuum exspectamus,

15. Sed per tuam sacram
nativitatem, Deus,

16. Omnes nos fac in hac
die praeclara

17. Iucandari ac

laetari ovantes, rex
Christe, feliciter.