PRAELOQUITJM

Saepius actum agere arbitramur, ideoque rem pene inutilem agere, onus probandi suscipere Ecclesiae potestatibus ius intrin- secum inhaerere de librorum, eorum praesertim qui de religione tractant, doctrina decernere, eosque permittere vel prohibere, prout noxia vel innocua et utilia continere iudicaverint

Neque eam quaestionem aggredimur : u t rum haec potestas ita competat Ecclesiae, ut privari ab saeculi potestatibus nequeat; exploratum enim esse existimamus nullas rationes suppetere qui- bus aliqua veri specie privari possit; eiusmodi enim iura ex pote- state a Christo ipso facta Ecclesiae pastoribus docendi, praedicandi Evangelium omni creaturae (1), dimanare noscuntur, ex aposto- lorum sententiis, quibus instruimur, Ecclesiam esse columnam et firmamentum veritatis (2) atque a Christo idcirco positos esse pastores et doctores, ne circumferamur omni vento doctrinae in nequitiam hominum ad circumventionem erroris (3); ex eo- rumdem apostolorum, Pauli praesertim, agendi ratione, qui ne- dum in suis epistolis ea tradidit quae ad fidei depositum spectant, sed etiam ea quae ad iura Ecclesiam inter et civiles potestates, quae ad hominis na turam sortemque pertinent, quae contra vitia quaeque in virtutibus adipiscendis homines agere debeant. Le- genda reapse sunt quae Rom. XIII. de indole et natura potestatis tradit; I. Cor. II. quae de Christianae doctrinae supra ceteras saeculi scientias praestantia: ibid. VI. quaenam de iudiciis liti- busque inter christianos, deque quibusnam eligendis iudicibus pro litibus componendis; ibid. VII. quaenam de matrimonio eiusque usu et indissolubili vinculo; Galat. I. quomodo Galatas repre- hendat quod ab Evangelio ab se praedicato recesserint; cap. IV. quomodo illos a servitute legis revocare satagat; Ephes. IV. quae tradat de pastorum Ecclesiae officio, et V. de vitiis quibus- dam fugiendis, deque mutuis virorum et uxorum obligationibus; I. Timoth. II. quae de precibus per Christianos fundendis pro re- gibus et magistratibus, ut alia multo plura praetereamus. Cum autem Spiritu Sancto inspirati locuti sint sancti Dei homines, quis