DUBIUM.

Sed hic est dubitatio.

1. Videtur enim contradicere Hieronymus, qui dicit in prologo Bibliae, quod " sacra Scriptura ideo per plana verba " traditur, ut a simplicibus capi possit. " Hic autem dicitur, quod apponuntur aegnimata ad occultandum eis veritatem spiritualium.

2. Praeterea, Gregorius dicit, quod " sacra Scriptura est fluvius, in quo " agnus peditat, et elephas natat: " et per agnum intelligit simplicem. : ergo non est eis invia, ut hic dicit.

3. Praeterea, Si aenigmata sunt incomprehensibilia, nec ipse potuit comprehendere : frustra ergo hic tradidit eorum notitiam.

Solutio, Dicimus, quod Dionysius intendit hic dicere de simplicibus infidelibus, qui non habent fidem, quae dirigit in cognitionem spiritualium : et ideo non potentes capere derident, sicut Montanus haereticus dixit Prophetas fuisse arreptitios, quia eorum verba continuare nescivit : et ideo occultatur ab eis. Sed simplices fideles diriguntur per fidem : et ideo per hoc non occultatur ab eis : et de his intelligit Gregorius et Hieronymus. Et sic patet solutio ad primum et secundum.

Ad tertium dicimus, quod non intellexit ea incomprehensibilia habentibus fidem. Vel si volumus facere vim in verbis, dicendum quod non dixit ea intelligibilia, sed incomprehensibilia : quia non. possumus attingere spiritualia per terminos quibus eorum essentia concluditur, quod est proprie comprehendi secundum Augustinum, licet intellectualia aliquo modo attingi possint.