38. De Clavo DN.

1. Plaude. turba Senensium,
Dono coelesti praedita,
Bonorum sunt immentium
Sacrata in te posita.

2. O Sena, felix civitas,
Civitas dicta virginis.
Tua stupenda dignitas
Implevit omnes gaudiis.

3. Quia, ecce, quo Franciam
Fecit esse mirabilem,
Clavus Christi in gloriam
Tibi inaestimabilem.

4. O cum quam grandi studio
Helena sancta circuit,
Habere, quod cum gaudio
Sena tenere meiuit.

5. O hospitale dominae,
Factum es felicissimum,
Xostii Jesu reliquiae
Te reddunt valde inclitum.

6. Mercator venerabilis
Ille, qui tibi talia
Corde devoto attulit,
Coronetur in gloria.

7. In gloria et jubilo

Pleni Senenses concinant.
Et gratiarum actio
Et opera permaneant.

8. Renoventur in spiritu
Religiosi sedule.
Crucis Christi intuitu
Sint in devoto plangere.

9. Clavus corda crudelium
Scindat et reddat avida
Ad pium desiderium
Et ad plangenda vulnera

10. Christi, in cujus manibus
Fixus fuit durissime,
Nec minus in visceribus
Suac matris sanctissimae.

11.O mater beatissima,
Tuae sanctae reliquiae
Implent corda laetitia,
Cunctae liquescunt animac.

12. Et pro sanctis apostolis
Simul et pro martyribus
Civitas est in cymbalis
Cum gaudiis sonantibus.

13. Gloria Deo Domino,
Patri natoque virginis
Cum spiritu paraclito
In aeternum a saeculis.