Acta Apostolicae Sedis - Commentarium Officiale722

ACTA CONGREGATIONUM

CONGREGATIO DE CAUSIS SANCTORUM

CAMPITEMPLENSIS

Beatificationis seu Declarationis Martyrii Servi Dei Caroli Lampert, Sacerdotis

dioecesani, Pro-Vicarii Administrationis Apostolicae Oenipontanae - Campitem-

plensis ({ 1944)

DECRETUM SUPER MARTYRIO

«Nunc gaudeo in passionibus pro vobis et adimpleo ea, quae desunt pas-

sionum Christi, in carne mea pro corpore eius, quod est ecclesia » (Col 1, 24).

Fulgidum Apostoli hoc testimonium Servi Dei Caroli Lampert vitam et

mortem efficaciter perstringit, qui, enim, ministerium suum exercens pasto-

rale, commenticiis et religioni infensis opinionibus nefariae, sed tunc temporis

praepollentis, nazistarum doctrinae obsistere debuit ac, de officio Christo

super viam Crucis inhaerendi sibi summopere conscius, placida constantia

martyrium adeundum accepit.

Servus Dei die 9 mensis Ianuarii anno 1894 in Göfis (Vorarlberg Austria)

natus est, e parentibus humilibus genere, sed christiana pietate funditus

informatis. Necessitudinibus rei familiaris praesertim post obitum patris

etiam instantibus, cursum tamen studiorum patravit et diploma maturitatis

secunde adeptus est. Iuventutis vero aetate, vividum animadvertit deside-

rium vitam suam Domino omnino dicandi vocationem sacerdotalem amplec-

tens, quapropter Seminarium Brixinense ingressus, ad studia Theologiae in-

cubuit, quibus expletis, die 12 mensis Maii anno 1918, presbyteratu actus est.

Ministerium pastorale incepit capellani munus suscipiens in oppido Dorn-

birn-Markt. Mense Octobris anno 1930, Romam missus est, ut studia Iuris