35. In Resurrectione Domini.

1. Fulgens praeclara

2. Rutilat per orbem hodie
dies, in qua Christi
lucida narrantur ovanter proelia,

3. De hoste superbo quod Iesus
triumphavit pulchre
castra illius perimens taeterri-
[ma.

4. Infelix culpa Evae,

qua caruimus omnes vita !

5. Felix proles Mariae,
qua epulamur modo una!

6. Benedicta sit
celsa regina illa,

7. Generans regem
spoliantem tartara,

8. Pollentem iam in aethera.
''Rex in aeternum,
suscipe benignus
praeconia nostra
''Sedule tibi canentia,

9. Patris sedens ad dexteram,
''Victor ubique
morte superata
atque triumphata,
''Polorum possidens gaudia.

10. O magna, o celsa,

o pulchra clementia Christi,
luciflua, o alma !

11. Laus tibi honorque

acvirtus, qui nostram antiquam
leviasti sarcinam.

12. Roseo cruore

agni benignissimi empta
florida micat haec aula.

13. Potenti virtute

nostra qui lavit facinora,
tribuit dona fulgida.

14. Stupens valde in memet iam
miror hodierna

15. Tanta indignis pandere
nobis sacramenta.

16. Stirpe Davidica

'' Ortus de tribu Iuda,
leo potens,
surrexisti in gloria ;
''Agnus visus es in terra,

17. Fundans olim arva,
R''egna petens supera,
iustis reddens
praemia in saecula
''Dignanter ovantia.

18. Dic, impie zabule,

quid valet nunc fraus tua?

19. Igneis nexus loris
a Christi victoria.

20. Tribus, linguae, admiramini !
Quis audivit talia mysteria,

21. Ut mors mortem sic superaret,
rei perciperent talem gratiam?

22. Iudaea incredula,

cur manes adhuc inverecunda?

23. Perspice christicolas,

qualiter laeti canunt inclita

24. Redemptori carmina.
''Ergo, pie rex, Christe,
nobis dans peccamina,
''Solve nexorum vincula ;

25. Electorum agmina
''Fac tecum resurgere
ad beatam gloriam,
''Digna rependens merita.

26. Paracliti

sancti consolationem piam

27. Exspectamus

secundum promissionem tuam

28. Peracta ascensionis
sancta sollemnia,

29. Qua es regressus in caelum
nube tectus clara,

30. Pollens laude aeterna.