Congregatio de Causis Sanctorum 725

VALENTINA

Beatificationis seu Declarationis Martyrii Servarum Dei Iosephae Martı́nez Pérez,

Sororis Professae Congregationis Filiarum a Caritate et XII Sociarum ({ 1936)

DECRETUM SUPER MARTYRIO

« Quis nos separabit a caritate Christi? Tribulatio an angustia an persecu-

tio an fames an nuditas an periculum an gladius? [...] Sed in his omnibus

supervincimus per eum, qui dilexit nos » (Rom 8, 35-39).

Mysterium amoris et doloris, quod Iesus Christus divinitus vixit et quod

ab apostolo Paulo relatum est, rursus perficitur in rebus, quae a Serva Dei

Iosepha Martı́nez Pérez et ab eius sodalibus pie susceptae sunt, quae, in flore

aetatis, barbare et inhumane, Catholica pro fide, trucidatae sunt.

Satis nota ab omnibus videtur Hispaniae rei publicae conditio inter annos

1936 et 1939: enim in tempore magnae societatis sollicitationis illi milites

republicani seu rebelles ferocem et acerbissimam persecutionem explicave-

runt erga omnes, qui Catholicae Ecclesiae sodales profiterentur. Hostili hac

in conditione decem et duae Filiae a Caritate Sancti Vincentii a Paulo et

iuvenis mulier laica, quae in quodam communitatis instituto famulabatur,

atrociter astrinctae sunt. Enim istae inter menses Augusti et Decembris anni

1936 inique comprehensae et turpiter interfectae sunt.

Serva Dei Iosepha Martı́nez Pérez die 5 mensis Augusti anno 1898 in pago

Alberique, iuxta Valentiam, nata est. Primum recepta est in Valentiano

postulandarum instituto, deinde in Matritensi novitiato. Anno 1926 a supe-

rioribus mandatum aegrorum ministrae iuxta valetudinarium provinciae

Valentiae accepit, hoc munus summa deditione exsecuta est usque ad diem

14 mensis Octobris anni 1936, cum deprehensa est a militibus. Insequenti die

iuxta Pontem Canum in Llosa de Ranes plumbo interfecta est.

Serva DeiMartina Vázquez Gordo die 30 mensis Ianuarii anno 1865 in pago

dicto Cuéllar, non longe a Segovia, nata est. Probanda recepta est iuxta

valetudinarium Vallisoletanae provinciae, anno 1926 missa fuit ad commu-

nitatem valetudinarii Segobrigae, ab hoc die 4 mensis Octobris anno 1936

seditiosis a militibus deducta est et interfecta in Algar de Palancia.