Acta Apostolicae Sedis - Commentarium Officiale726

Serva Dei Iosepha Laborra Goyeneche die 6 mensis Februari anno 1864 in

pago v. d. Sangüesa iuxta Pampelonem nata est. Ingressa est in novitiatum et

deinde missa est ad hospitium pagi Cuenca, in quo undeviginti annos suo

officio diligenter functa est. Deprehensa est et die 9 mensis Decembris anno

1936 in Picadero de Paterna iuxta Valentiam ferociter interfecta est.

Serva Dei Carmela Rodrı́guez Banazal die 26 mensis Martii anno 1876 in

Villa de Cea iuxta Auriam nata est. Post eius aditum in Congregationem

Filiarum Caritatis statim, superiorum iussu, puerorum curam in asylo pagi

v. d. Bétera suscepit. Die 9 mensis Decembris anno 1936 in Picadero de

Paterna eam milites necaverunt.

Serva Dei Pilar Nalda Franco die 24 mensis Maii anno 1871 in Algodonales,

non longe ab Assidono, orta est. Excepta in numero Filiarum Caritatis,

munere suo in asylo pagi Bétera functa est. Die 9 decembris anno 1936 in

Picadero de Paterna occisa est.

Servae Dei Stephania Irisarry Irigaray in Peralta iuxta Pampelonem die

26 mensis Decembris anno 1878 nata est et anno 1896 in Congregationem

Sororum Filiarum Caritatis ingressa est. Sicut et aliae sorores in asylum

Bétera missa, die 9 mensis Decembris anno 1936 in Picadero de Paterna

trucidata est.

Serva Dei Isidora Izquierdo Garcı́a die 2 mensis Ianuarii anno 1885 in pago

v. d. Paramo de Arroyo iuxta Burgum orta est. Post eius aditum in Congre-

gationem ministerium in asylo pagi Bétera exercuit et ipsa die 9 mensis

Decembris anno 1936 in Picadero de Paterna occisa est.

Serva Dei Joaquinia Rey Aguirre in pago v. d. Begoña, non longe a

Flaviobrigam, die 23 mensis Decembris anno 1895 nata est. Anno 1926 in

Congregationem Filiarum Caritatis ingressa est. Post decem annos ministerii

in Valentina «Casa de Beneficentia » die 29 mensis Octobris anno 1936

deprehensa et in coemeterio pagi dicti Gilet plumbo interfecta est.

Serva Dei Victoria Arregui Guinea Flaviobrigae die 19 mensis Decembris

anno 1894 nata, vota sacra anno 1926 in Valentina «Casa de Beneficentia »

pronuntiavit. Deprehensa est et in coemeterio pagi Gilet die 29 mensis Octo-

bris anno 1936 occisa est.