44. De sancto Leonhardo.

In 1. Vesperis.

Ad Magnificat.

A. Laetetur Sion inclita
Pro electorum gloria,
Inter quos gaudet gratia
Leonhardus deifica,
Qui nobis adsit precibus
Ejus festa colentibus.

Ad Matutinum.
Invitatorium.

Laus regi summo,

superas cui militat ordo,
Quo signis sanctus

mundo rutilat Leonardus.

In 1. Nocturno.

Antiphonae.

1. Sanctus iste legi Dei
Insistendo floruit,
Vitae fructus instar ligni
Salutaris protulit.

2. Sanctitatis in timore
Servivit altissimo,
Cujus monte cum sanctorum
gaudet nunc collegio.

3. Vana sprevit corde puro
ambiens coelestia,
Templum Dei salutare
factus atque hostia.

4. Gloriose coronatur

tuns, Christe, vernula,
Quia tibi voluntate
adhaesit mundissima.
5. Ore, mente benedixit,
Christe, tuo nomini,
Qui ubique populorum
haberis mirabilis.
G. Aequitatem amplectendo
[et viam] justitiae
Ad coetorum tendens regna
migravit feliciter.

Responsorio.

1. Gentis Francigenae

Chlodovaeo sceptra tenente
Ecclesiae nardus

felix satus est Leonardus,
V. Ut nova lux mundo

procedens stemmate claro.

2. Hunc rex de sacri

susceptum fonte lavacri
Patri Remigio

commendavit venerando,
V. Ut pia magnifici

sequeretur dicta magistri.
3. Regibus haerentum

vitavit morem parentum,
Uti militia

pro Christi philosophia,
V. Terrea contempsit,

solis coelestibus haesit.

4. Libertate data

vinctis patris prece sacra
Claustris exibant,

ad propria quique redibant;
V. Os justi pietas,

quam laudat sexus et aetas.

In 2. Nocturno.

Antiphonae.

1. Dolo caret sancti vita
veritate lucida,
Unde Sion montis nactus
est nunc tabernacula.

2. Cordis ei voluntatem
tribuisti, Domine,
Coronando eum digne
corona laetitiae.
3. Innocentum iter sequens
animi munditia
Jacob scala Hierusalem
novae scandis moenia.
4. Sequestratus a malignis
dignis vitae moribus
Eidem conregnat coelo,
cujus haesit laudibus.

5. Supernorum jucundatur
concentu hymnidico,
Quem in terris promerendo
suspirabat animo.
6. Arbor cedrus ut odora
flagrabat virtutibus,
Nocte, die insistendo
divinis operibus.

Responsoria.
1. Tempore transacto

prolem paritura virago
Nutabat dubiis

vitae [regina] periclis,
V. Quam sancti precibus

curavit coelica virtus.
2. Qui quadro totum

perlustrat flumine mundum,
Per sancti meritis puteum
replet illico lymphis;
V. O Christi virtus,

qua justi sic decorantur.
3. Ut lucifer radiis

micat hicpater undique signis,
Lumina dans caecis,
virtutem coelitus aegris,
V. Erigit et claudos

ac solvit carcere clausos.
4. O Leonharde pater,

pietatis et ubere mater,
Impetra nobis

sacra prece gaudia lucis,
V. Qua rutilas felix,

cum Christo deliciaris.

In 3. Nocturno.

Ad Cantica.

A. Dulcia cum sanctis

citharizans cantica laudis
Nostras, sancte pater,
de coelis suscipe laudes.

Responsoria.
1. Solis justitiae

matris sub honore Mariae
Construxit sacrum

mediocri schemate templum,
V. In quo magnificae

complevit tempora vitae.
2. Nobilium alacres

athletae facta sequentes
Christi militia

geminam subiere palaestram,
V. Spiritus atque caro

quo possent vivere coelo.

3. Sancte Leonarde,
Christi confessor,
Audi rogantes servulos
Et impetratam coelitus
Tu defer indulgentiam.
V. O sancte Leonarde,
sidus aureum,
Domini gratia
servorum gemitus
solita suscipe clementia.
4. Carceris o fractor,

captivorumque solutor
Mellifluis precibus
nostros dissolve reatus,
V. Qui nostros audis,

tribuendo dona salutis.

In Laudibus.

Antiphonae.

1. Laudemus Dominum,

qui tractat singula rerum,

Sede sedet sanctus

diva cum quo Leonardus.

2. Intrans Jerusalem

Sion exsultantis in arcem
Ardet in adspectu

Domini Cherubim residentis.

3. Sese mactantem

fontemque Deum sitientem
Gloria suscepit,

pro qua mortalia sprevit.

4. Cui mare, terra, polus

servit, tremit ac veneratur,
Declarat sanctum

per signa pie Leonardum.

5. Inter concives

patriae coelestis ovantes
Pura mente pius
laudat Dominum Leonardus.

Ad Benedictus.

A. Copiosae pietatis

Leonarde inclite,
Tuis festis assistentes

nunc de coelo respice,
Lucem nobis impetrando

apud regem gloriae,
Ipsum coeli in decore

quo possimus cernere.

In 2. Vesperis.

Ad Magnificat.

A. O pater Leonarde,
opifex celer non tarde,
qui signa das, celeberrime,
brachiis divinae potentiae,
plebis attritae baccas
disrumpe assisteque
huic familiae tua
precanti salvari ope.