Acta Apostolicae Sedis - Commentarium Officiale728

De hisce omnibus rebus, referente subscripto Cardinale Praefecto, certior

factus Summus Pontifex Benedictus XVI, vota Congregationis de Causis

Sanctorum excipiens rataque habens, hodierno die declaravit: Constare de

martyrio eiusque causa Servarum Dei Iosephae Martı́nez Pérez et XII Sociarum,

ex Instituto Filiarum a Caritate, in casu et ad effectum de quo agitur.

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 27 mensis Iunii A.D. 2011.

Angelus Card. Amato, S.D.B.

Praefectus

L. e S.

e Marcellus Bartolucci Archiep. tit. Mevaniensis, a Secretis

ILLERDENSIS

Beatificationis seu Declarationis Martyrii Servi Dei Salvii Huix Miralpeix, Episcopi

Illerdensis ({ 1936)

DECRETUM SUPER MARTYRIO

« Obsecro itaque vos, fratres, per misericordiam Dei, ut exhibeatis corpora

vestra hostiam viventem, sanctam, Deo placentem » (Rom 12, 1).

Haec celeberrima beati Pauli adhortatio efficaciter praecipua elementa

amplectitur, quae vitam Servi Dei Salvii Huix Miralpeix significaverunt

eiusque mortem veluti oblationem tempore violentae vexationis in Ecclesiam

eiusque ministros constanter redditam.

Servus Dei die 22 mensis Decembris anno 1877 in loco Sanctae Margaritae

de Vellors, prope Gerundam, in Hispania, est ortus. Ab infantia vocationem

ad sacerdotium praesentiebat et die 19 mensis Septembris anno 1903, expletis

formationis curriculis, presbyter est ordinatus; deinde munus vicarii obiit

apud paroecias Sanctae Mariae de Coll et Sancti Vincentii de Castellet. Anno

1907 Oratorium ingressus est S. Philippi Neri Vicensi in urbe in quo bis