856 Acta Apostolicæ Sedis - Commentarium Officiale

ACTA CONGREGATIONUM

CONGREGATIO DE CAUSIS SANCTORUM

PARENTINA ET POLENSIS

Beatificationis seu Declarationis Martyrii Servi Dei Miroslavi Bulešić Sacerdotis

Dioecesani († 1947)

DECRETUM SUPER MARTYRIO

« Mihi ultio dimittere est ».

Magnifica Dei Famuli verba, quae continentur in spirituali testamento

Miroslavi Bulešić, nihil aliud indicant nisi intimum huius cor ad imitatio-

nem Christi totum contendisse, ipse autem usque ad effusionem sanguinis,

ignoscens persecutoribus suis, fulgidum Crucis suscepit mysterium.

Fortissimus hic evangelicae virtutis heros ac fidei assertor die 13 mensis

Maii, anno 1920, in vico dioeceseos Parentinae et Polensis, quem Histri

Čabrunići vulgato nomine appellant, quique nunc est in finibus Croatiae,

humilibus parentibus in lucem editus est; simul a optimis auctoribus ac

praeceptoribus, doctus omnes virtutes cum humanas tum christianas, sese

divino quodam instinctu ad sacra capessenda munia vocari primitus intel-

lexit. Itaque prima iuventute ineunte Iustinopolitanum Seminarium ingres-

sus, quo magnus e pluribus dioecesibus adulescentium numerus discendi

causa conveniebat, ibique cum esset gravioribus disciplinis optime institutus,

Goritiam prius, deinde in hanc almam Urbem missus est, quo uberiorem sibi

doctrinae eruditionem compararet; Gallorumque prius, deinde in Insubrium

sacricolarum collegium ascitus, impigram philosophiae et sacrae theologiae

in Gregoriano Athenaeo operam dedit. In patriam tandem reversus, in pa-

roecia Sancti Vincentii (nam Svetvinčenat vulgo Histri dicunt), intra cuius

fines ipse genitus erat, ad excelsam sacerdotii dignitatem evectus est die 11