Congregatio de Causis Sanctorum 857

mensis Aprilis, anno 1943, pauloque post in pagum, quem Histri Baderna

vulgo nominant, missus ad sacrum ministerium exercendum.

At interea in ea loca, in confinio sita, de quorum possessione labentibus

saeculis acriter hinc illincque disputatum erat, teterrimun ingruit secundum

bellum mundanum ex quo consecuta est cruenta violentia. Sollertem stu-

diosamque civibus ipse navabat operam; magnis idem perfunctos laboribus

consolabatur, animos erigebat, pietatem forebat, necessitatibus subveniebat

omniaque suppeditabat. Qui ad ipsam vitae iacturam usque paratus, ad

Germanorum aliarumque gentium ductores, qui praetoria sua intra eos fines

constituerant, pro fidelibus suis praes haud raro prodire non dubitavit; qui

quidem, eo deprecatore, vincula vel publicae custodiae loca vel etiam per

ignivomam manuballistam necem saepe effugerunt. Anno vero 1945 missus

est Miroslavus in paroeciam vici illius, quem Histri Kanfanar vulgato no-

mine appellant, ibique florentem praesertim aetatem christianis praeceptis

christianisque moribus conformando, idemque pauperes adiuvando, magis

magisque ad dominici gregis salutem incubuit.

Anno autem 1946, mense Septembri, singularis industriae sacerdos, utpo-

te qui non doctrina tantum, sed etiam virtutibus ac prudentia praestaret,

electus est alter a praefecto idemque praeceptor Seminarii Pisinensis; ac

in tanto munere obeundo, dum verbo et exemplo alumnis prodesset, quam

versatili esset ingenio quantaque peritia sanctissime conformandi animos

omnium sub oculis fuit.

Interea, communismo, quem vocant, circumquaque grassante, eoque tot

Europae gentibus in christianam rem publicam infestissimum odium impie

suadente, impotens in ipsa Iugoslavia occupatur a christiani nominis osori-

bus dominatus et nefaria adversus Ecclesiam excitatur persecutio. Quam-

obrem res in dies fiebant; populus, amissa libertate, vi opprimebatur; sacra

iniquissimis legibus imminuebantur; sacerdotes paene innumeri interfecti,

in vincula coniecti, acerbissimi eorum casus haud raro taciti fuerunt: nam

silentium iampridem fuit sancitum. Sed tam turbido tempore omnia molie-

bantur et temptabant rei publicae moderatores, ut presbyteros a mystico

pascendo grege impedirent, ideoque etiam a sacra Confirmatione in His-

triae paroeciis administranda. Die autem 24 mensis Augusti, anno 1947, in

paroecia vici illius, quem Histri Lanišće vulgato nomine appellant, Rev.mus

D.nus Iacobus Ukmar, Miroslavo comitante, ipsum Confirmationis sacramen-