Acta Apostolicae Sedis - Commentarium Officiale730

Fidelis populus statim mortem Episcopi veluti verum habuit martyrium

et, ob hanc famam, a die 8 mensis Iunii anni 1947 ad diem 2 mensis Maii anni

1950 Processus Informativus actus est, cuius iuridica validitas a Congrega-

tione de Causis Sanctorum per Decretum die 9 mensis Iunii anno 1995 est

recognita. Parata Positione, de asserto martyrio Servi Dei, ad normam, di-

sceptatum est. Die 4 mensis Decembris anno 2009 habitus est, positivo cum

exitu, Congressus Peculiaris Consultorum Theologorum. Patres Cardinales et

Episcopi in Sessione Ordinaria quam ego, Card. Angelus Amato praesedi die

12 mensis Aprilis anno 2011, audita relatione Ponentis Cause, Eminentissimi

Domini Francisci Cardinalis Arinze, agnoverunt Servum Dei, ad fidelitatem

Christo Ecclesiaeque servandam, martyrium sustinuisse.

De hisce omnibus rebus, referente subscripto Cardinale Praefecto, certior

factus, Summus Pontifex Benedictus XVI, vota Congregationis de Causis

Sanctorum excipiens rataque habens, hodierno die declaravit: Constare de

martyrio eiusque causa Servi Dei Salvii Huix Mirapleix, Episcopi Illerdensis,

in casu et ad effectum de quo agitur.

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 27 mensis Iunii A.D. 2011.

Angelus Card. Amato, S.D.B.

Praefectus

L. e S.

e Marcellus Bartolucci Archiep. tit. Mevaniensis, a Secretis