Congregatio de Causis Sanctorum 859

cae Sedis simul Parentinam et Polensem dioecesim administrabat idemque

fìnibus Croatarum praeerat ad Tergestinam et Iustinopolitanam dioecesim

pertinentibus). Itaque die 24 mensis Aprilis, anno 1956, ordinaria potestate

institutus est Processus informativus; quod tamen consilium, nefaria sae-

viente adversus Ecclesiam insectatione, mox depositum est. Crudelis tan-

dem corruit communistarum dominatio ac, resumpto Processu, dioecesana

Inquisitio, ab anno 2002 ad annum 2003, est peracta; quam quidem haec

ipsa Congregatio de Causis Sanctorum, edito Decreto die 14 mensis De-

cembris, anno 2007, legitime probavit. Hinc primum Historici Consultores

sederunt die 26 mensis Octobris, anno 2010; deinde Theologi Consultores, in

Peculiari, qui dicitur, Congressu, die 30 mensis Martii, eodem hoc vertente

anno, favorabilem sententiam aperuerunt. Denique in Sessione Ordinaria,

quae proxime elapso die 20 mensis Novembris coacta est, cui praefui ego

Angelus Cardinalis Amato, omnes, qui adfuere, tum Patres Cardinales tum

Sacrorum Antistites Causis Sanctorum tractandis, ipsum Dei Famulum prop-

ter fidelitatem erga Christum et Ecclesiam interfectum esse affirmarunt.

De hisce omnibus rebus, referente subscripto Cardinali Praefecto, certior

factus, Summus Pontifex Benedictus XVI, vota Congregationis de Causis

Sanctorum excipiens rataque habens, hodierno die declaravit Constare de

Martyrio eiusque causa Servi Dei Miroslavi Bulešić, Sacerdotis Dioecesani,

in casu et ad effectum de quo agitur.

Hoc autem decretum publici iuris fieri et in acta Congregationis de

Causis Sanctorum Summus Pontifex referri mandavit.

Datum Romae, die 20 mensis Decembris a.D. 2012.

Angelus CArd. AmAto, s.d.B.

Praefectus

L. G S.

G mArCellus BArtoluCCi

Archiep. tit. Mevaniensis, a Secretis