49. De sancta Margareta.

In 1. Vesperis.

Ad Magnificat.

A. Praeclara solemnitas

Margaritae virginis
Adest, in qua petiit

locum celsitudinis
Et a sponso coronatur

in coelesti gloria ;
Ut ipsum pro nobis oret,

cujus gaudet gratia,
Supplicantes imploramus

ejus patrocinia.

In 1. Nocturno.
Antiphonae.

1, Christi virgo Margarita
a paganis genita,
A patre suo gentili
nutrici est tradita.
2. Virgo decora nimis
est virginitate beata,
Integra virtute,

fidei lex immaculata.
3. Spiritu sancto repleta
mente coelis habitat
Virgo casta toto corde
Deo se suppeditat.

Responsoria.

1. Venerantes clarum diem,

Christum, sponsum virginum,
Collaudemus confitendo
trinum et unum Deum,

In quo Margarita complens

agonis sui stadium
Ad ornatum ex liliis

rosisque transit bravium ;
V. Ut Christum precibus

deposcat virgo beata,
Collaetemur in hac

mente jucunda die.
2. Virgo judici oblata

Ab eo interrogatur,
Quo nomine sit vocata

Vel quem Deum veneratur ;
Haec fide vera armata

Christum colens se fatetur.
V. Nomen profert Margarita
A judice inquisita

Et cujus fide armetur.
3. Olybrius ingreditur

In urbem Antiochiam,
Christicolas persequitur

Dans crudelem sententiam,
Margarita recluditur

In carceris miseriam ;
V. Furibundus Olybrius,
Crudelis atque impius,

Jubet recludi hanc piam.

In 2. No cturno.

Antiphonae.

1. A nutrice sua curam
haec accepit ovium,

Quas dum pascit in herbosis
cum choris sodalium,

Persequentem Christianos
incurrit Olybrium.

2. Specie ejus amore

mente captus effera,
Mittit suos explorare,
si jam esset libera,
Illi thori nuptialis
repromittens foedera.
3. Orat Christum Margarita
immensis gemitibus,
Ne suam virginitatem

tradat corruptoribus,
Sed eripere dignetur
angelicis manibus.
Responsoria.
1. Sancta virgo Margarita,
spe firmata futurorum,
Deridebat judicis

munera blandimentorum:
Christum adoro, qui manet
in saecula saeculorum.
V. Glorifico Dominum
meae virginitatis,
Commoveri non potero
a via veritatis.
2. Elevatis Margarita

in coelum luminibus:
Ne tradas me, Jesu Christe,

inquit, unicornibus,
Sed eruere digneris
clemens a leonibus.
V. Obsedit me consilium
Multorum adversantium
Et circumdor canibus.
3. Manant eam praesidi,
Virgo Christi affatur:
Si corpori misereor,
spiritus tribulatur,
Nunc vero per martyrium
gloria praeparatur.
V. Si carni pepercero,
Jam mortem in infero
Anima praestolatur.

In 3. Nocturno.
Antiphonae.
1. Margarita suspenditur
A militibus praesidis,
Crudeliter et caeditur
Virgulis subtilibus.

2. IIli caedebant fortiter,
Haec ferebat viriliter,
Sanguis ex fonte corporis
Manans currebat deforis.

3. Respice in me, Domine,
Dixit virgo beata,
Non cadam fortitudine,
Sed laeter liberata.

Responsoria.

1. Furibundus Olybrius
nolentem consentire
Jubet . . . . carcerem

tenebrosum obire,
Sed haec orat, ut Dominus
dignetur subvenire.
V. In carcerem Olybrius
Margaritam celerius
Praecipit introire.

2. Christe, salus

in te sperantium,
Exauditor

ad te clamantium,
Custodi me

ab omni macula,
Benedictus

qui es in saecula.
V. Suscipe servorum,

Christe pie, vota tuorum.

3. Virgo Christi fidei

annulo subarrhata,
Virtutibus et nomine

Margarita vocata,
Ad superni

regis palatia
Defer nostra,

virgo, suspiria
Ora mente

pro nobis sedula
Apud Christum,

qui regit saecula.
V. Cum sponso te coronanti
Psallimus tibi regnanti,

O virgo, Christi famula.

In Laudibus.
Antiphonae.

1. Martyrum quinque milia
Patiuntur supplicia
Pro Christo in Armenia
Cum Margarita socia.

2. Hi Christi per miracula,
Quae viderant in famula,
Exhibent corda credula
Cuncta regenti saecula.

3. Malchus extendens brachium:
Suscipe, inquit, gladium,
Christum circa te video
Ambulantem et timeo.

4. Si Christum, frater, adspicis,
Parce parum, quod objicis,
Ut possim ei fundere
Preces votaque reddere.

5. Carnifex illi adnuit
Orare, quantum voluit,
Et illa Deum precibus
Pnlsabat atque laudibus.

Ad Benedictus.
A. Virgo Christi Margarita,
digna coeli curia,

Quae refulges castitate

in corona regia,
Ora sponsum, supplicamus,

pro nostra miseria,
Ut dignetur poenitentum

delere flagitia.

In 2. Vesperis.

Super Psalmos.

A. Margarita praefulgida,
In caritate fervida,
Sed passione valida,

Olybrium vicisti,
Tu nos a morte turbida
Tua prece vivifica

Defende, sponsa Christi.

Ad Magnificat.

Gaude, turba supernorum,
ad quorum consortia

Martyrum ingrediuntur
sacra quinque milia,

Cum beata Margarita
sociati gratia.