Acta Apostolicae Sedis - Commentarium Officiale732

cum Christo in Evangelio, in oblationem et silentium sui usque ad holo-

caustum, denique in laetitiam.

Circa se congregatis iuvenibus, quae cum ea universitatem frequentabant

et idem vitae consilium et sensus percipiebant, anno 1924 fundavit Unionem a

S. Catharina Senensi Missionariarum a Schola, instituens singulare religiosae

vitae regimen, quod in saeculo degitur, ad veritatem fovendam publicis in

scholis et in ceteris socialis vitae locis, ubi veritas saepe dissimulabatur et

fides impugnabatur. Ad bene coniungendam stabilitatem monasticam cum

agilitate apostolica, Fundatrix domuum duplex genus excogitavit, primum

ad institutionem, orationem et studium, alterum vero ad apostolatum in

saeculo fovendum. Haec nova fundatio primum per auctoritatem dioecesa-

nam anno 1924, postea per decretum laudis anno 1934, deinde certe et definite

anno 1943 adprobata est.

Magnum ministerium Ecclesiae Serva Dei praebuit, sedentibus pontifici-

bus Pio XI, Pio XII, Ioanne XXIII et Paulo VI, ad laicorum institutionem

et apostolicam actuositatem in Ecclesia promovendas impigre cooperavit.

Maximo fervore opus Foederationis catholicorum in Universitatibus Italicis

studentium (FUCI) suscepit, ad instituendas iuvenes quae universitates fre-

quentabant; diligenter curavit ut christiana institutione roborarentur mulie-

res quae ad liberales professiones et politicos cursus applicaturae essent.

Quo magis schola catholica proficeret, institutionem religiosarum per

multas adinventiones curavit, inter quas eminuit fundatio Universitatis Ma-

riae SS. Assumptae, quae hodie vulgo nuncupatur Libera Università Maria

Santissima Assunta. Progrediente Concilio et sequenti tempore, novum regi-

men christiani testimonii in saeculo sororibus suis commendavit, ut iuvenum

et familiarum necessitates curarent et iis qui Deum ignorarent se proximas

facerent.

Spiritualis imago Aloisiae Tincani manifestabat in eius vita praecipuum

et constantem principatum Dei, qui in ea assiduum desiderium sanctitatis

excitabat. Eius fides, probata et sui conscia, forti animo et congruenti signi-

ficabatur; laetitia omnes actus eius praediti erant. Indoles eius comis et

semper ad fiduciam proclivis spei et caritatis virtute corroborabatur. Coti-

dianum Servae Dei testimonium constans fuit exercitium omnium virtutum

oratione contemplationeque fultum. Miro quodam modo illa vehementer ani-

madvertit amorem et studium Evangelii, cuius divitias ipsa ministrabat in

eruditos et in mulierum dignitatem sustinentes.