860 Acta Apostolicæ Sedis - Commentarium Officiale

LUCIONENSIS

Beatificationis et Canonizationis Servi Dei Ludovici Mariae Baudouin Presbyteri

Fundatoris Congregationum Filiorum Mariae Immaculatae atque Sororum Ursu-

linarum a Iesu v.d. de Chavagnes (1765-1835)

DECRETUM SUPER VIRTUTIBUS

« Nihil aliud nobis mirum quam incarnatio dominica eiusque fructus di-

vini: quae vere, credatis, quaesumus, aliis omnibus neglectis scholis, tantum

sufficient ».

Iter suum spirituale Servus Dei Ludovicus Maria Baudouin his significavit

verbis, Verbi incarnati piene conformatus mysterio, in quo enim suipsius

vitae ac missionis afflatum invenit et fundamentum.

Servus Dei die 2 mensis Augusti anno 1765 Durino seu Monte Acuto

in dicione v. d. Vandea e familia modestae condicionis ac probatae catho-

licae fidei natus est. Utroque praemortuo parente, soror maior eius curam

una cum fratre presbytero habuit, qui religiosae scholasticaeque eiusdem

institutioni providit. Vocationis ad sacerdotium perceptis primordiis, anno

1781 Seminarium Lucionense ingressus est et, studiorum completo cursu,

die 19 mensis Septembris anno 1789, rerum publicarum in Gallia iamiam

ineunte Perturbatione, Macloviopoli presbyteratu auctus est.

Servus Dei vicarius Lucionensis Deo in honorem Sancti Maturini dica-

tae nominatus est ecclesiae, cuius frater ipsius parochus iam fuerat. Cum

autem iusiurandum se dare atque Constitutioni Civili Clericorum adhaerere

denegavisset, in vinculis arreptus est et, inchoante mense Septembris anno

1791, aliis cum presbyteris exsilio in Hispaniam affectus. Anno 1797, in

patriam redire et sacrum ministerium Arenis Olonensibus furtim exercere

valuit: nocte infirmos visitabat, abscondite Sanctam Missam aliaque sacra-

menta celebrabat, Sacram Scripturam docebat et moderationis spiritualis

curam suscipiebat praesertim religiosarum illarum, quarum communitates

Perturbatio discusserat. Eo tempore, Carolam Gabrielam Ranfray convenit

religiosam, quam Perturbatio ad deserendum Conventum subegerat.

Initium cepit communitas religiosorum ministerio pastorali dedita seu

Filiorum Mariae Immaculatae.