Congregatio de Causis Sanctorum 733

Sicut per annos maioris actuositatis Serva Dei a Sancto Spiritu duceba-

tur, sic eadem heroica mansuetudine omnes dolores suae extremae aegrota-

tionis pro Ecclesia, Pontifice et iuvenibus obtulit, confidens omnibus conati-

bus et hominum sermonibus plus valere illud certamen, quod ipsa perpetua

oblatione sui certaverat. Romae die 31 mensis Maii anno 1976 obdormivit

in Domino.

Fama Sanctitatis, qua vita claruit, iuxta Vicariatum Urbis Inquisitio

dioecesana inchoata est die 21 mensis Novembris anno 1987 et conclusa die

6 mensis Iulii anno 2000. Die 15 mensis Martii anno 2002 per Decretum

eiusdem Inquisitionis iuridica validitas a Congregatione de Causis Sanctorum

est approbata. Exarata Positione, disceptatum est secundum consuetudines

an Serva Dei virtutes heroum in modum excoluisset. Die 15 mensis Iunii

anno 2010, positivo cum exitu, Congressus Peculiaris Consultorum Theolo-

gorum habitus est. Patres Cardinales et Episcopi in Sessione Ordinaria

congregati, Ponente Causa Em.mo Domino Cardinale Francisco Monterisi,

agnoverunt Servam Dei virtutes theologales, cardinales eisque adnexas

heroum in modum excoluisse.

Facta demum de hisce omnibus rebus Summo Pontifici Benedicto XVI

per subscriptum Cardinalem Praefectum accurata relatione, Sanctitas Sua,

vota Congregationis de Causis Sanctorum excipiens rataque habens, hodierno

die declaravit: Constare de virtutibus theologalibus Fide, Spe et Caritate tum in

Deum tum in proximum, necnon de cardinalibus Prudentia, Iustitia, Tempe-

rantia et Fortitudine, iisque adnexis, in gradu heroico, Servae Dei Aloisiae

Tincani, Fundatricis Unionis a S. Catharina Senensi Missionariarum a Schola,

in casu et ad effectum de quo agitur.

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 27 mensis Iunii A.D. 2011.

Angelus Card. Amato, S.D.B.

Praefectus

L. e S.

e Marcellus Bartolucci

Archiep. tit. Mevaniensis, a Secretis