46, In Resurrectione Domini.

1. Pangamus creatoris

atque redemptoris gloriam,

2. Qui bene creatos,
sed seductos astutia

3. Callidi serpentis,
sua refecit gratia

4. Praedicens, futurum
ut germen
sancta proferret femina,

5. Quod hostis antiqui
nociva
exsuperaret capita ;

6. Quod primitus
perdita serius
nostra cernunt saecula,

7. Cum splendida
flosculo virgula
novo pollet, Maria,

8. Qui editus mire
edidit miracula,
Eec iuvenis tantum,
sed statim inter suae
nativitatis primordia

9. Per sideris lumen,
vel Simeonis verba
Iudaica ad se
vel corda, vel munera
attrahens nutu gentilia.

10. Quem pater in voce
atque spiritus
sanctus specie glorifica

11. Visentes doctorem
vel archiatrum
docent auctoritate sua.

12. Qui, postquam salutis dona
dedit multa

Doctrinaeque perplura verba
ore suo
promulgavit saluberrima,

13. Ad proba, sputa, colaphos
et flagella,

Vestem quoque ludo quaesitam
et spineum .
venit sertum ac crucis brachia.

14. Quae hodie triumphali
a mortuis
resurgens sprevit victoria,

15. Ducens secum primitiva
ad caelos membra

16. Et nuper

dispersa refotans
ovilia,

17. Quae et nobis
in fine speranda,

18. Licet ultima membra
simus, spondet dona.