51. De sancta Margareta.

In 1. Vesperis.
Antiphonae.

1. Virgo mater ecclesia
Nova frequentans cantica,
Ob honorem sacrosanctae
Deum laudans Margaretae.

2. Adest namque dies sacra,
Quam solaris refert rota,
Qua carnali mole strata
Coelum petit Margareta.

3. Haec est virgo speciosa,
De gentili stirpe sata,
Quae sic suum genus ornat,
Rosa vernans ut spineta.

4. Virginitatis lilium
Christo offert eximium,
Christus in tali munere
Pascens cubat meridie.

5. Florem istum Olybrius
Vastare dum demolitur,
Dei fulta juvamine
Fuso decorat sanguine.

R. Prudens virgo Margareta,
Martyr Christi gloriosa,
Sponsa tu regis aeterni,
Solve nostrorum vincula
Peccatorum prece pia.

V. Superatis autem cunctis
Tormentis tu gloriaris
Nunc in coelis cum angelis,
Audi nos, mente precamur
devota.

Ad Magnificat.

A. Inter catervas virginum
Agnum Dei sequentium
Margareta, virgo pia,
Dulce cantat Alleluja.

Ad Matutinum.

Invitatorium.

Perenni sponso virginum
Plebs exsultet fidelium,
In quo virgo Margareta
Vincens mundum tenet astra.

In 1. Nocturno.

Antiplionae.

1. Flagrabat certe nimia
Dilectionis copia,
Quam speciali gratia
In dilecto fundaverat.

2. Margareta regnum mundi
Cum suis illecebris
Spernens corde se devote
Christi jugo subdidit.

3. Dei cultrix Margareta,
Sancto spiritu repleta,
Malle se dixit occidi,
Quam idolis inclinari.

Responsoria.

1. Ex tenebris Babylonis
Stella surgit aurea,
Splendor cujus procul fugat
Daemonum phantasmata,
V. In tenebris lux lucebat

Et comprehendi nequibat.
2. Agna Dei Margareta
Veste sua spoliatur,
Cujus caro diris flagris
Incunctanter laceratur ;
V. ''Fundamenta ejus in monti-
bus sanctis.
''3. Inter tam dira verbera
Christo fudit precamina,
Ne frangatur suppliciis
Ullo timore corporis.
V. ''Et exaudivit de templo sancto
suo vocem ejus.''

In 2. Nocturno.
Antiphonae.

1. Amor inexstinguibilis
Inflammarat cor virginis,
Sacro teste eloquio
Fortis ut mors dilectio.

2. Hunc aqua nec immania
Necare valent numina,
Huic virgo clarissima
Cuncta postponit lubrica.

3. Pro servando hoc foedere
Non veretur se tradere
Mortis sacrae compendio
Regnatura cum Domino.

Responsoria.

1. Felicibus praesagiis
Versis sursum vestigiis
In aere suspenditur
Diri fumi angoribus,

V. Quia illi optanti coelica
Amarescunt cuncta terrestria.

2. Christi sponsa crudelibus
Divaricatur unguibus,
Ac tum se jungit strictius
Castis ejus amplexibus ;

V. Rosei undis sanguinis
Amor florescit virginis.

3. Flammis virgo exuritur
Et in aquis demergitur,
Sed manet invincibilis
Sacri virtute flaminis ;

V. Transivit per ignem et aquam.

In 3. Nocturno.
Antiphonae.

1. Hinc est, quod virgis caeditur,
Quod ejus caro carpitur,
Rubescit corpus sanguine,
Regnat vigor in virgine.

2. Post ista tam ingentia
Tamque dira supplicia
Martyr Christi exuritur
Nec non aquis immergitur.

3. Quidquid audet crudelitas,
Perfert ejus integritas,
Subactaque nequitia
Intrat coeli palatia.

Responsoria.

1. Virgo Christi Margareta
Pro nostris miseriis
Dum oraret, vox auditur
Emissa a superis:

Obtinendo postulata
Veni ad coelestia.
V. ''Propter veritatem et mansue-
tudinem et justitiam audire
promeruit.''

2. Margareta,

forma munditiae
Et exemplar

omnis justitiae,
Quae pro Christo

fundendo sanguinem
Sortita es

eoelestem gloriam,
V. Nos abstractos

ab hac miseria
Fac laetari

tecum in gloria.
3. Hodie decus virginum
Margareta eximium
Pro sui lege Domini
Neci laeta se obtulit,
V. Quae cum palma victoriae
Regnum adivit gloriae.

In Laudibus.
Antiphonae.

1. Christi virgo Margareta
educta de carcere
Mox praefecti Olybrii
sistitur praesentiae.
2. Margareta, inquit praeses,
offer diis libamina,
Ne vernantis nunc aetatis
incurras discrimina.

3. Sponsa Christi sic respondit
ministro nequitiae;
Deum, coeli conditorem,
adoro quotidie.
4. Tunc praefectus furibundus
virginis ad latera
Applicari statim jussit
gravia incendia.
5. Torrens ignis saevit foris
membra per virginea,
Sed ministrat amor Dei
intus refrigeria.

Ad Benedictus.

A. Martyr Christi Margareta

dum manet immobilis,
Caput ejus amputatur

praecepto Olybrii,
Sancta cujns anima

exiens de corpore
Migrat ad coelestia

columbina specie.

In 2. Vesperis.
Ad Magnificat.

A. Margareta,

cultrix justitiae.
Quae cum Christo

gaudes in aethere,
Ipsum roga

pro nobis jugiter,
Ut nos tecum

simus perenniter.