862 Acta Apostolicæ Sedis - Commentarium Officiale

Ob sanctitatis famam Causa Beatificationis et Canonizationis apud Cu-

riam Episcopalem Lucionensem inita est per celebrationem Processus Ordi-

narii a die 17 mensis Martii anno 1864 ad diem 1 mensis Novembris anno

1865, quem Processus Apostolicus secutus est, ab die 10 mensis Septembris

anno 1872 ad diem 8 mensis Martii anno 1877 habitus, quorum auctoritas

et vis iuridica a Congregatione de Causis Sanctorum die 26 mensis Augusti

anno 1911 probatae sunt. Positione confecta, die 24 mensis Octobris anno

2000, in Congressu Peculiari Consultorum Historicorum pro ea, quae ad

eorum pertinent competentiam, et, die 1 mensis Aprilis anno 2011, in Con-

gressu Peculiari Consultorum Theologorum prospero cum exitu disceptatum

est, iuxta consuetudinem, an Servus Dei more heroum virtutes christianas

exercuisset. Patres Cardinales et Episcopi in Sessione Ordinaria diei 29 men-

sis Octobris anno 2012, cui egomet ipse Angelus Cardinalis Amato praefui,

professi sunt Servum Dei virtutes theologales, cardinales iisque adnexas in

modum heroum exercuisse. Facta demum de hisce omnibus rebus Summo

Pontifici Benedicto XVI per infrascriptum Cardinalem Praefectum accurata

relatione, Sanctitas Sua vota Congregationis de Causis Sanctorum excipiens

rataque habens, hodierno die declaravit: Constare de virtutibus theologalibus

Fide, Spe et Cavitate tum in Deum tum in proximum, necnon de cardinalibus

Prudentia, Iustitia, Temperantia et Fortitudine iisque adnexis in gradu heroico

Servi Dei Ludovici Mariae Baudouin, presbyteri et fundatoris Congregationum

Filiorum Mariae Immaculatae necnon Sororum Ursulinarum a Iesu v.d. de

Chavagnes, in casu et ad effectum de quo agitur.

Hoc autem decretum publici iuris fieri et in acta Congregationis de

Causis Sanctorum Summus Pontifex referri mandavit.

Datum Romae, die 20 mensis Decembris a.D. 2012.

Angelus CArd. AmAto, s.d.B.

Praefectus

L. G S.

G mArCellus BArtoluCCi

Archiep. tit. Mevaniensis, a Secretis