CAPUT XV.

De ventis in particulari.

Sequitur de ventis in particulari et loco generationis eorum et de impressione singulorum, et de hoc quod efficiunt in nostra habitatione. Sunt igitur quatuor simplices, qui nascuntur versus quatuor angulos solis super nostrum horizontem distincti. Sunt autem secundum Aristo- telem Septentrio, Meridies, Subsolanus, et Favonius.

Inter quoslibet autem duos sunt alii duo, et sic octo sunt medii. Item inter Septentrionem et Subsolanum est Aquilo propinquior Septentrionali, et Vulturnus propinquior Subsolano. Inter Subsolanum et Meridiem, Eurus propinquior Subsolano, et Notus propinquior Meridionali sive Austro. Et inter Austrum et Favonium, Africus propinquior Austro, et Zephirus propinquior Favonio. Et inter Favonium et Septentrionalem, Circius vicinior Favonio, et Corus propinquior Septentrionali. Duos etiam praeter hos, qui sunt incerti flatus et vagi, ponunt quidam : qui si sint, non diversificantur ab istis, sed potius ab eisdem locis generantur, ita videlicet quod elevatio vaporis in gyro est quasi continua mutatio, modo hic, modo ibi. Et nota quod nomina ventorum collatoralium non nominantur ab Aristotele , scilicet secundum usualem descriptionem. Et haec quae dicta sunt de duodecim ventis , patent in praesenti figura, ut poteris retinere.

Oriens.

AdminBookmark

Occidens.

Sunt Subsolanus, Vulturnus, Eurus ab ortu. Circius occasum Zephirusque Favonius afflant.

Atque die medio Notus errat, et Africus, Auster.

Proveniunt Aquilo, Boreas et Corus ab Arcto.