Congregatio de Causis Sanctorum 863

COMENSIS

Beatificationis et Canonizationis Servae Dei Ioannulae Franchi, Fundatricis Con-

gregationis Sororum Hospitalariarum a Beata Maria Virgine Perdolente (1807-1872)

DECRETUM SUPER VIRTUTIBUS

« Utinam, divina favente gratia, beneficium tantum referamus saltem,

recipiendi scilicet in domo nostra Iesum Christum sacramentum, omnia pro

Deo faciendi ac patiendi pauperibusque infirmis demum pro amore eius

assidendi, dilatato autem corde ».

Quae verba Serva Dei Ioannula Franchi inter Memoranda scribebat illo

die, quo Sanctissimum Sacramentum in Pia Domo, quam ipsa aperuerat,

reponebatur Sororum Infirmis Ministrantium a Caritate, totius eius vitae

consecratae vere fuerunt libellus: peculiare enim Iesu Crucifixi et Matris eius

Perdolentis consummavit ac vixit studium, quorum aegroti viva imago sunt.

Serva Dei die 24 mensis Iunii anno 1807 Comi e locupleti familia nata

est, christianae pietati funditus innisa societatisque studiosa. Infantiam iu-

ventutemque iuxta consuetudines puellarum superiorum ordinum temporis

sui degit. Dum octavum agebat aetatis annum, una cum sororibus suis operi

Sororum Visitandinarum Novocomensium pro educandis puellis commissa

est, apud quas adulescentes altae ac nobiles genere instituebantur. Decem

annos hic peragens, Sancti Francisci Salesii spiritum funditus hausit.

Domum regressa, parentibus curandis doctrinaeque christianae tra-

dendae vacavit et ad varias consociationes catholicas accessit. Post brevia

sponsalia, quae propter mortem sponsi anno 1840 in tricesimo et quarto

Ioannulae aetatis anno conciderunt, Serva Dei decrevit sese omnino Domino

consecrare. Moderatoris spiritualis ductu, qui peculiari studio in aegrotis

et captivis assidendum intendebat, mortuis parentibus, infirmis sive apud

domos eorum sive apud carceres laetanter benigneque subvenit ac pauperes

excepit.

De hereditate sua domum acquisivit illo in media Comensi urbe, in-

tra fines regionis Curtesellae, quae tunc temporis pauperrima habebatur.

Die 26 mensis Septembris anno 1853, una cum tribus sociis Piae Unioni

Sororum Caritatem Ministrantium seu Sancti Nazarii initium dedit, quae