864 Acta Apostolicæ Sedis - Commentarium Officiale

deinde Sororum Hospitalariarum a Beata Maria Virgine Perdolente susce-

perunt nomen. Incipiens Communitas sibi proposuit, ut Sancti Francisci

Salesii pro Visitatione instituta primigenia - communem scilicet religiosam

conversationem in infirmos apud eorundem domos ministrandos intentam -

consequeretur. Cum numerus puellarum, quae tantum vitae communicabant

propositum, citius proficeret, opus fundatum illud anno 1862 approbationem

dioecesanam iam obtinuit. Intra moenia piae illius domus omnes, quoscum-

que societas melioris notae asperneret, aegrotos videlicet pauperes, eos qui

olim captivi fuerant, moniales quarum monasteria abolita essent, mente

captos, feminas iam prostitutas, mulieres solas uti plumarias et sutrices

quae post durum totius vitae laborem domicilio et quibusvis substantiis

carentes iacebant, receptaculum atque auxilium inveniebant.

Pro seipsa et Sororibus suis frugalissimam Serva Dei scripsit Regulam,

cui titulus Methodus conversationis, fundamentis praecipuis ac principalibus

quibusdam innisam, quae erant: aegrotos graviores et moribundos omnibus,

quia desolatissimos et magis occursui Dei proximos, anteferre; praesen-

tiam vivam Christi in Eucharistia et in miserrimis tueri; strenuas simul

et humiles, patientes et affabiles moribus, silentii et laboris studiosas sese

ostendere, necnon ad infirmis assidendum et ad quodcumque caritatis opus

nullo etiamsi duro atque taetro praetermisso officio propensas. Vitae et

operis eius gratiam peculiarem optime adstringunt haec, quae pronuntiavit,

verba: « Caritas erga proximum sit in Sororibus tamquam amor universalis,

qui omnes in Domino amplectitur ac neminem secernit ».

Aegrotorum opitulatio fuit via in qua Serva Dei praecipue glorificavit

Dominum ac theologales cardinalesque virtutes consummavit. Intima fa-

miliaritas cum Deo, continua fervidaque oratio et oculi semper in Chris-

tum crucifixum conversi operum humanitatisque eius summus fuerunt fons;

humilitas etiam, sinceritas et spiritum fraternitatis signum eminens erant

cotidianae eius conversationis.

Serva Dei, variolarum nigrarum morbo correpta qui eo tempore Comi

dire grassabatur, dum aegroto cuidam ad domicilium eius assidebat, die 23

mensis Februarii anno 1872 pie in Domino quievit.

Ob sanctitatis famam Causa Beatificationis et Canonizationis apud

Curiam Episcopalem Comensem inita est per celebrationem Inquisitionis

dioecesanae a die 27 mensis Septembris anno 1994 ad diem 27 mensis