866 Acta Apostolicæ Sedis - Commentarium Officiale

BARRANQUILLENSIS

Beatificationis et Canonizationis Servae Dei Marcellinae a S. Ioseph (in saec.:

Aloisiae Aveledo) Fundatricis Congregationis Sororum a pauperibus Sancti Petri

Claver (1874-1959)

DECRETUM SUPER VIRTUTIBUS

« Sollicitudine non pigri, spiritu ferventes, Domino servientes, spe gau-

dentes, in tribulatione patientes, orationi instantes » ( Rm 12, 11-12).

Paulina exhortatio in prompta ac generosa religiositate Servae Dei Mar-

cellinae a S. Ioseph (in saec.: Aloisiae Aveledo), responsionem invenit, quae

gratia fulta, vitam suam fecit constans servitium in Dominum per caritatem

erga proximos.

Serva Dei Caracis in Venetiola die 18 mensis Iunii anni 1874 nata est.

E familia rectam institutionem humanam et Christianam habuit, maxime e

matre quae Tertii Ordinis Sancti Francisci sodalis fuit, pater autem paulo

post ortum Aloisiae mortuus est. Anno 1899 vicesimum quartum annum

aetatis agens Serva Dei in Congregationem Sororum Pauperum in pago

v. d. Maiquetia ingressa est, cuius studium et officium erat Eucharistiae

adoratio et in valetudinariis aegrotorum auxilium et cura. Die 25 mensis

Martii anno 1900 vestem religiosam induit nomen Marcellinae a S. Ioseph

suscipiens. Anno 1902 primam professionem emisit perpetuamque autem

anno 1908. Iuxta valetudinarium Venetiolanae urbis Tequinensium miserunt

Servam Dei ut id regeret ibique infirmorum militumque vulneratorum curam

generose egit.

Anno 1909 Barranquillae in Columbia antistita nominata est, illic so-

rores hospitium gerebant, in quo fere centum senes pauperes recipiebant

et sine pretio multas puellas inopes in schola habebant. Illo tempore ob

cogitati ac sententiarum diversitatem de religiosae vitae ratione in Instituto

dissensiones inceperunt. Hoc in recentis Congregationis vita perturbatio-

nem magnam generavit ita ut multae sorores, in quibus et Serva Dei, ab

Instituto discesserunt.

Hac conditione Serva Dei una cum sororibus Barraquillae perseverare in

officio suo voluit, aegrotis et senibus in hospitio suppeditans et in Episcopi