56. De s. Maria Aegyptiaca.

In 1. Vesperis.

Antiphonae.

1. Trinae vocis

Gaudens obsequio
In Mariae

sacro solemnio
Laudum melos

promat haec concio.

2. Derelinquens patriam,
Matrem, genitorem,
Duodennis perdidit
Castitatis florem.

3. Luce carens et liquore
Quasi virgo fatua,
Foedi luxus in squalore
Jacebat assidua.

4. Carnis tandem
abhorret vitia
Matris Dei
tangente gratia.

5. Peccatricis

miserae conversio
Fit excelsi

dexterae mutatio.

Ad Magnificat.

A. Salutari

cum Deo creditus
Exsultavit

Mariae spiritus,
Cum audiret

clamantem coelitus,
Per Jordanem

fit viae transitus.

Ad Matutinum.
Inv itatorium.

Noster chorus sit sonoras
Regi supernae gloriae,

Qui Mariam Aegyptiam
Sursum provexit hodie.

In 1. Nocturno.
Autiphonae.

1. Subjecta sunt omnia
Mariae sub pedibus,
Spernentis terrestria
Carnis cum operibus.
2. Trans Jordanem fluvium
Ad currendam viam
Matrem deviantium
Salutat Mariam.

3. Non in vano

votum accipiens
Praecursoris

templum ingrediens
Vivifico

Corpore dominico
Se munivit

iter aggrediens.

Responsoriao.

1. Electarum

in multitudine
Laudem habens
Maria nomine
Militavit

in solitudine ;
V. Corroboravit brachium,
Lumbos ob carnis vitium
Accingens fortitudine.

2. Ter quindecem
duobus additis
Annis vitae

decora meritis
Sub deserti
degebat abditis,
V. Corpus deficiens
Herbis reficiens
Ad usum licitis.
3. Nigra verni temporis
Aestus a fervore
Rigescebat frigoris

Gelu prae stridore,
Destituta corporis
Totius vigore.
V. Imminente transitu
Jacens absque spiritu
Erat prae dolore.

In 2. Nocturno.

Antiphonae.

1. Poenitentis

diffusa gratia
In labiis

docebat omnia,
Quae commisit,
dolere vitia.
2. In omnibus
Tribulationibus

Suis adjutorem
Deum habuit,
Ideo non timuit
Hostem et ultorem.
3. Memor se scientium
Raab Babylonis

Reparator omnium
Ejus desiderium
Adimplevit bonis.

Responsoria.
1. Juxta fratrum
consuetudinem
Tunc Zosimas

per solitudinem
Pergens vidit

praeter hanc neminem,
V. Non hominem
Aut bestiae
similitudinem.
2. Elongavit fugiens
Nudam se, conspiciens
Senem prosequentem,
Hic, quid esset, nesciens,
Exclamabat inquiens:
Sustine currentem.
V. Cooperta rediens
Stetit senem audiens
Flentem et gementem.
3. Sancti, quem non noverat
Vocans nomen senis
Refert hoc, quod egerat
Annis a bis senis,
V. Audit et considerat

Constans vir et lenis.

In 3. Nocturno.
Antiphonae.

1. Inter gentes gloriam
Ejus nuntiemus,
Cujus nos memoriam
Sacram recensemus.
2. Secto corde poenitenti
Carnis de luxuria,
Juxta recta facienti
Orta est laetitia.
3. In conspectu gentium
Tantae matris opera
Revelavit omnium
Rex, qui regit sidera.

Responsoria.
1. Post vitae monita
Redit ad solita

Senex et eremi
Altera volita
Petivit abdita,
V. Christi mundo corpore

Et cruore munita.
2. Mersis olim hostibus
Mare firmis gressibus

Moyses calcavit,
Potens haec virtutibus
Super aquas pedibus

Siccis ambulavit
V. Excelsi prae regibus
Virtute, qui fluctibus

Maris imperavit.
3. Redit senex

post anni circulum
Mariaeque

videt ad oculum
Examine

jacens corpusculum
Reful gentis

per lunae speculum,
V. Famulatum

exhibens sedulum
Adest leo

praeparans tumulum.

In Laudibus.
Antiphonae.
1. Exsultemus hodie
Voce modulata
Felicis Aegyptiae
[Memores] memoriae,
Cui jam in requie
Sedes est parata.
2. Quia portas Domini
Gaudens introivit,
Illi confitemini,

Quem haec exquisivit.
3. Super vitas est melior
Et dulcior
Dei memoria,
Quam Maria
Experta est Aegyptia..
4. Cum hac Dei famula
Dominum laudemus
Et eum in saecula
Semper exaltemus.

5. Mansuetam in salutem
Christus exaltavit,
Laudem ejus et virtutem
Dum magnificavit.

Ad Benedictus.

A. Ad dandam scientiam
Mariae salutis
Ejus legit propriam
Nominis laetitiam
Senex vir virtutis.

In 2. Vesperis.

Ad Magnificat.

A. O gloriosa omnia

Sanctorum inter agmina,
Quae magnificas Dominum,
Nostrorum sordes criminum,
Pia mater, elimina
Et per tua precamina
Post hujus mundi crimina
In libri vitae pagina
Nostra concribe nomina.