Congregatio de Causis Sanctorum 867

Carthaginensis in Columbia fidem se contulit, qui autem utriusque Instituti

separationem statuit, illi Barraquillae et vestem et nomen mutare imponens,

scilicet Hermanitas de los Pobres de San Pedro Claver, hoc modo significans

sororibus absolutam consecrationem ad vitam caritatis, secundum exemplum

illius Sancti Societatis Iesu, qui servorum Apostolus fuit.

Anno 1917 Serva Dei generalis antistita electa fuit, quo munere iterum

anno 1935 confirmata est. Sic nova Congregatio inchoavit et floruit. Ope-

ra caritatis praecipue mendicis, egentibus, senibus susceperunt. Antistitae

generalis munere expleto, Serva Dei generalis consilii auctrix electa fuit,

quo munere illa sororum institutionem curavit, quarum animum servitio in

pauperibus inbuens, ipsa sua liberalitate, patientia, humanitate et suavitate

in ministerio erga inopes illis sororibus vivum exemplum facta est. Iuvenibus

ad Institutum accedentibus Serva Dei exaravit ac disposuit quasdam notas

de principiis Congregationis spiritualitatis id est, Crucis amor, interior animi

intentio, silentium, dilectio pauperum, in quibus ipse Christus ministra-

tur, sui ipsius repudiatio. Illa maxime de Divina Providentia, de Passione,

de Eucharistia, de Immaculata et de Sancti Petri Claver vita meditabatur.

Serva Dei iucunda ac modesta mulier fuit, contemplatione incumbens et

simul ad agendum semper parata. Propitiis et adversis mentem admodum

aequam servabat, congruens habitu, modesta in paenitentia. Magno ardore

suam religiosam consecrationem vixit semperque minima Dei in praesen-

tia degere cupit. Maternam curam erga sacerdotes exercuit, quos sua ora-

tione et auxilio sustinebat. Plurimis adversitatibus vitae numquam Serva

Dei indignationis verba pronuntiavit. Exemplum Boni Samaritani secuta

est, sine mora egenibus adiuvans et praecipue pauperioribus et derelictis.

Etiam cum Institutum adversa adivit, Serva Dei coherens testimonium fidei

dedit, constanti oratione et Eucharistiae amore suffulta. Spei virtus totam

eius vitam comitata est, eam mulierem fortem sed et amabilem ac docilem

reddens. Virtutem caritatis ea exercuit in artissima cum Deo coniunctione

et in diuturna dilectione erga proximum.

Extremis eius vitae mensibus e gravi ac dolenti morbo, quem ea fortiter

tulit in Domini crucifixi communione, die 16 mensis Novembris anno 1959

Barranquillae e vita decessit.

Fama sanctitatis, iuxta Curiam Barranquillensem a die 18 mensis Iunii

anno 1986 ad diem 11 mensis Februarii anno 1988 celebrata est Inquisitio