Acta Apostolicae Sedis - Commentarium Officiale740

curandis atque in indigenis promovendis. Varios ob politicos eventus, Beatus

coactus est alia deinde loca adire, semper profunde in vitam loci sese inserens.

Consectaria subiit insurrectionis praedonum qui, adversus colonos Franco-

gallicos agentes, vicos percurrebant terrorem incutientes et destructionem;

illi, praeterea, iudicabant missionarios ita agere ut divinitates et amuleta

omni virtute privarentur; hanc ob rationem, ab illis se liberare conabantur.

Beatus, dum suos christianos a pagis profugos comitaretur, a rebellibus

captus est qui eum saepe invitabant ut fidem abiuraret ad vitam suam ser-

vandam. Recusavit Christum tradere et Ecclesiam; quapropter in Ambiatibe

die 8 mensis Iunii anno 1896 occisus est eiusque corpus in numen Mananara

eiectum. Servus Dei Paulus VI die 17 mensis Octobris anno 1965 beatificavit

eum.

Postulatio Causae, Servi Dei canonizationi prospiciens, examini huius

Congregationis de Causis Sanctorum coniectam miram subiecit sanationem

domini Ioannis Francisci Regis Randriamiadana, qui, vespere diei 22 mensis

Septembris anni 1990, occasione data prandii nuptiarum, veneficam bibit

potionem lento cum effectu. Signa statim apparuerunt nempe debilitas, fe-

bris, ariditas faucium, dolores ventris, incapacitas mandendi, effatio. Inter-

ventio medici atque usus consuetae medicinae Madagascariensis irritum sor-

titae sunt effectum. Infirmus, qui incapax erat se nutriendi, magis magisque

in peiore condicione versabatur ita ut mors instare videretur.

Hoc in rerum contextu in locum Tsaramasoandro est translatus, ubi

aquam bibit fluminis Mananara, vocatam « aqua de Berthieu », et habitam

veluti miram eo quod corpus Beati, post martyrium, in huiusmodi flumen est

proiectum. Eodem tempore parentes Ioannis Francisci Régis et etiam ipse

infirmus intercessionem invocaverunt huius martyris Iesuitae. Perinde ac

aquam bibere coepit, infirmus signa manifestavit melioris condicionis; et

quamvis tres menses versaretur in periculo vitae, aliquot post dies, se nutrire

regulariter potuit et valetudinis condicio celeriter et in melius pregressa est.

Congruentia temporis evidens apparuit inter invocationem ad Beatum

nec non sanationem Ioannis Francisci Régis, qui deinde fausta fruitus est

valetudine, aptus ad vitam normalis necessitudinis gerendam.

De hac sanatione, quae mira est habita, a die 3 mensis Martii ad diem 28

mensis Augusti anni 2005 apud Curiam ecclesiasticam Antananarivensem

Inquisitio dioecesana est instructa, cuius iuridicam validitatem haec

Congregatio per decretum die 24 mensis Novembris anno 2006 approbavit.

Consilium Medicorum Dicasterii prius se congregavit die 23 mensis Octobris