868 Acta Apostolicæ Sedis - Commentarium Officiale

dioecesana, cuius iuridica validitas per Decretum diei 4 Octobris anno 1991

ab hac Congregatione de Causis Sanctorum est approbata. Exarata Positione,

disceptatum est secundum normas an Serva Dei heroum in modum virtutes

excoluisset. Die 14 mensis Ianuarii anno 2011 Consultorum Theologorum,

positivo cum exitu, habitus est Peculiaris Congressus. Patres Cardinales et

Episcopi in Sessione Ordinaria die 2 mensis Octobris anno 2012 congregati,

me Angelo Cardinale Amato praesidente, Servam Dei virtutes theologales,

cardinales eisque adnexas heroum in modum excoluisse agnoverunt.

Facta demum de hisce omnibus rebus Summo Pontifici Benedicto XVI

per subscriptum Cardinalem Praefectum accurata relatione, Sanctitas Sua,

vota Congregationis de Causis Sanctorum excipiens rataque habens, hodier-

no die declaravit: Constare de virtutibus theologalibus Fide, Spe et Caritate

tum in Deum tum in proxìmum, necnon de cardinalibus Prudentia, Iustitia,

Temperantia et Fortitudine, iisque adnexis, in gradu heroico, Servae Dei

Marcellinae a S. Ioseph (in saeculo: Aloisiae Aveledo), Fundatricis Congre-

gationis Sororum a Pauperibus Sancti Petri Claver, in casu et ad effectum

de quo agitur.

Hoc autem decretum publici iuris fieri et in acta Congregationis de

Causis Sanctorum Summus Pontifex referri mandavit.

Datum Romae, die 20 mensis Decembris a.D. 2012.

Angelus CArd. AmAto, s.d.B.

Praefectus

L. G S.

G mArCellus BArtoluCCi

Archiep. tit. Mevaniensis, a Secretis