59. De sancto Martiano.

In 1. Vesp eris.

Ad Magnificat.

A. Felix exsulta Sanio,

Tam sancto dotata patre,

Sed plus intona jubilo,

Apta, data mirifice

Ossa tibi Martiani,

Ut duplicibus patribus

Auspicio et Castori

Jungeretur Martianus,

Ut non statim triplicatus

Rumperetur funiculus.

Ad Matutinum.

I nvitatorium,

Adsunt Martiani

Laeta solemnia,

Laude multiplici

Plaudat ecclesia.

In 1. Nocturno.

Antiphonae.

1. Abbas sanctus et coelicus

Datur exemplar sacculi

Aptensibus Martianus

Vivens vita regulari.

2. Florem pudicitiae

Servans illibatam

Attigit eximiae

Vitae coelibatum.

3. Parentes prole carentes

Obtinuerunt precibus

Filium, qui esset haeres

Plus moribus quam opibus.

Responsoria.

1. Sub Benedicti regula

Mente profecit sedula,

Antra quaerit desertorum,

Ut expers sit peccatorum ;

V. Bonam sortitus animam

Patris sequitur regulam,

Ejus sequens vestigia,

Mundi horrens fastigia.

2. Martianus puerulus

Deditus poenitentiae

Macerabat suum corpus

Per vota abstinentiae,

V. Vacans orationibus

Illecebras lasciviac

A se tollebat penitub.

3. Martianus Sanionus

Aegros multos sanos fecit,

Mortem tenens victor factus

Coelestia lucrefecit.

V. Ipse Christum sequens nudus

Cuncta mundi bona sprevit.

In 2. Nocturno.

Antiphonae.

1. Antra deserti petivit

Vir sanctus, a juventute

Jugum Domini portavit

Donec acta senectute.

2. Relictis patre et matre

Atque eorundem bonis,

Nil curavit temporale

Contentus solis divinis.

3. Pernox cum Christo proprium

Non possidebat lectulum,

Post lacrimarum fluvium

Vix humi dans corpusculum.

Responsoria.

1. Humili tectus cuculla

Monachorum Martianus

Sic mundi deliramenta

Et hostis lusit penitus,

V. Transit per temporalia

Omnibus bonis exutus,

Bona quaerit coelestia

Pauper, humilis, mendicus.

2. Virginitatis lilium

Illibatum conservavit,

Nihil possidens proprium

Corpus suum castigavit,

V. Dum etiam cilicium

In carne sua portavit,

Super nudum jacens humum

Sic interdum dormivit.

3. Beatus pauper spiritu

Nihil proprium possedit,

De divino sperat nutu,

Qui libens cuncta dimisit,

V. Humilitate praeditus

Pro fratribus mendicavit,

Omnibus fuit subditus

Sed caritate praefuit.

In 3. Nocturno,

Antiphonae.

1. Assiduus oratione

Basilicas visitabat,

Hos sequens professione,

His sociari debebat.

2. Christum mendicum mendicus

Patienter sequebatur,

Compatiens pauperibus

Cuncta impartiebatur.

3. Mortuum vivens suscitat,

Matri compassus viduae,

Filium vivum adsignat

Praemissa oratione.

Responsoria.

1. Pastor pastores visitat

Auspicium et Castorem,

Martianus hos salutat,

Hospitium ibi tandem

Elegit atque requiem.

V. Devoti religiosi

Sanctum suscipiunt abbarn,

Participes sunt meriti,

Una ornant ecclesiam.

2. Matri viduae filium

Reddit vivum ex mortuis,

Luctum sequitur gaudium,

Spectaculum datur cunctis,

V. Gemitus et suspirium

Precesque devoti patris

Mortuum faciunt vivum.

3. Juxta lapidem positus

Martianus exspiravit,

Ab angelis sociatus

Coelos beatus conscendit ;

V. Hos juvet suis precibus,

Quos sanguis Christi redemit,

Et, ducat in coelestibus,

Quos fides et amor junxit.

In Laudibus.

Antiphonae.

1. Dominus in Martiano

Regnavit plenus decore,

Hunc proterit fortitudo

Praecinctum multa virtute.

2. Jubilate Deo, cives,

In gaudio, [omnis] terra,

Aptenses et Saniones,

Servite in laetia.

3. Deus, vide miseriam,

Deus, qui curas sedulo,

Animam vide miseram,

Ad te de luce vigilo.

4. Benedicite Domino,

Martiam miracula

Hunc clarum faciunt mundo

Per infinita saecula.

5. Laudate, coeli et terra,

Dominum, in suis sanctis

Qui facit mirabilia,

Hos coronans in excelsis.

Ad Benedictus.

A. Transit pauper

ad regni solium,

Dux ad sceptrum,

victor ad praemiam,

Mors in vitam,

labor in otium,

Praesens cedit

luctus in gaudium.

In 2. Vesperis.

Autiplionae.

1. Martianus puerulus

Erat decorus facie,

Pulchrior ipse moribus

Grataeque eloquentiae.

2. Parentes prole carentes

Puerum hunc impetrarunt

A Domino postulantes,

Hunc moribus instruxerunt.

3. Documentis artium

Eruditus sanctis

Transiit ad studium

Summae veritatis.

4. Ecclesiae frequentabat

Devote sacra limina

Pectorique recondebat

Ipse mandata divina.

5. Sanctorum imitabatur

Continue vestigia,

Devote contemplabatur

Aeterna coeli gaudia.

R. Ad ovile summi regis

Nos revoca, ductor gregis,

Martiane, confessorum

Consors, pater monachorum,

V. Et dilige per semitas,

Quibus videtur veritas.

Ad Magnificat.

A. O speculum munditiae,

Carnis carens spurcitia,

Tuae colentes hodie

Migrationis gaudia

Transfer ad regnum gloriae

Post hujus vitae stadia.