Acta Apostolicae Sedis - Commentarium Officiale742

TRECENSIS

Beatificationis et Canonizationis Ven. Servi Dei Aloisii Brisson, Sacerdotis Funda-

toris Oblatorum et Oblatarum S. Francisci Salesii (1817-1908)

DECRETUM SUPER MIRACULO

Venerabilis Servus Dei Aloisius Brisson die 23 mensis Iunii anno 1817

ortus est Planceii in Gallia. Alumnus Seminarii dioecesani Trecensis, die

19 mensis Decembris anno 1840 presbyteratu auctus est. Pluribus magistri

pastoralis rei muneribus, fervida interiore semper supereminens vita, functus

est. Quadraginta annos ministerium exercuit Cappellani Monialium Visitan-

dinarum, quas Sanctus Franciscus de Sales fundaverat, et Congregationem

sacerdotem, scilicet Oblatorum Sancii Francisci Salesii, quae anno 1897 ca-

nonicam recognitionem adepta est. Multa iniit opera pro iuvenibus mulieri-

bus opitulandis atque operariis instituendis, primitias Instituti Oblatarum

Sancti Francisci Salesii suscitans, anno 1890 a Summo Pontı́fice Leone XIII

iure recogniti. Arduae in ipsum et in opera eius, ineunte saeculo XX, conci-

derunt angustiae, cum leges Reipublicae obstrinxerunt, ut universae puero-

rum iuvenumque institutioni et Verbi Dei praedicationi deditae resolverentur

Congregationes eorumque bona in publicum proscriberentur. Venerabilis Ser-

vus Dei, aetate iam provectus, Planceium secessit, ubi actuosam utriusque

Congregationis spiritualis moderationis navitatem excepit atque altissimam

vixit intellegentiam Crucis, quam renovata fide in Domino expertus est.

Admodum corpore infractus ac valetudine laborans, die 2 mensis Februarii

anno 1908 pie in Domino quievit. Summus Pontifex Benedictus XVI die 19

mensis Decembris anno 2009 Servum Dei virtutes in modum heroum coluisse

decrevit.

Beatificationis respectu, Causae Postulatio iudicio huius Congregationis

de Causis Sanctorum assertam subiecit miram sanationem pueri Caroli Aloisii

Peñaherrera Cattani, qui in vico Alausi in Aequatoria, mense Iunii anno

1953, dum intra muros officinae paternae administrabat, infandi sceleris

cecidit victima, cum rota ferrea unius metri fere ad demetientem lineam

pedem eius dexterum profundum in cute exarans vulnus tutudit, duos dı́gitos

obtrivit et primam allicis phalangem discerpsit. In valetudinario receptum,

condiciones generales salutis sive ob porrectam laesionem sive propter peri-