DUBIUM.

HIC DUBITATUR.

1. Nihil (ut dicit Augustinus) desideratur nisi cognitum : ergo non videtur desiderium esse supra rationem.

2. Praeterea, Cum desiderium sit rei non habitae, per quod differt ab amore, semper est ex indigentia : ergo videtur esse oppositum in adjecto quod dicit, non indigens desiderium.

Ad primum dicendum, quod dicitur esse supra rationem et intellectum, non quia non cognoscat desideratum, sed quia non sequitur rationem extendendo se supra id quod rationis est : desiderat enim se divinus amator unire Deo, non attendens reverentiam quam ratio dictat. Unde Bernardus super illud, Osculetur me , etc, dicit : " Habe reverentiam, o sancta " anima, ad adorandum forsitan, non os-" culandum. " Turpevero desiderium deficit ab eo quod rationis, vilioribus se subdendo.

Ad secundum dicendum, quod desiderant continuitatem ejus quod habent : non enim totum simul habent : et ideo desiderant quod. habeant alio modo quam habent : et hoc est desiderium non an- xium, tollens vero fastidium : et ideo dicitur non indigens.