57. Dominica I. post Octavam Paschae.

Ascribitur Notkero.

1. Iudicem nos inspicientem,

2. Crypta cordis rimantem

3. In commune precemur,

4. Proprias illi puras
conscientias
possimus ut exhibere.

5. Deus patiens, iuste,
clemens atque tremende,

6. Tu vis parcere magis
paenitenti, quam plecti.

7. Tu non pasceris
morte morientum,
sed eos suscitas ;

8. Nec gaudes, Deus,
in perditione,
qui Stygem properant.

9. Tuis civibus

angelis est gaudium
pravo crimina
sua puniente.

10. Credo, pereat

ut unus pusillulus,
non est placitum
tuo in conspectu.

11. Tu nos serva iugiter
omni a malo,
Deus, iuste iudex,

12. Ut non, quando veneris
omnibus digna
factis redditurus,

13. Nosmet habeas punire,
sed munerari.