61. "Dominica II. post Octavas Paschae."

1. ''Nostra carmina supplici
''devotione poscant,

2. ''Quo sibi concedat
''religione pia

3. Deus sine macula

sanctum celebrare nostrum pascha,

4. Qui suo non pepercit
filio, sanans infirmitates

5. Nostras, unde
caelestia faceret
amoena conscendere gaudia,

6. Ac nostris pro

delictis tradidit morti
deditque pro poenis munera.

7. Sic denique miserans, ut
averteret necem, venit,
a miseris,
ut omnibus daret vitam.

8. Unde illum iugis lingua
omnium canit, carmina
quae per multos
vates promiserat danda.

9. Quae per hominem primum,
parentem nostrum,
peccando nimium liquerat,

10. Haec per hominem novum
Christum restaurari
imploramus in aeternum,

11. Ut pedibus

lucernam tribuat,
oculorum rubiginem pellat,

12. Angustaque

in orbe caulae oves
mereamur sequi pastorem.

13. Hoc ore semper canimus
iugiter cordeque,
simul promamus mente, quo magno
Deo in supernis pascuis
perfrui iubeas;

14. Quos sancta cruce redemit
deitas, pro quibus
libavit in ara holocaustum,
des illos quoque reverti ad
caelestia dona,

15. Ut quandoque

praesenti terminata vita
ad superna

16. Limite recto

restaurati muneribus
sempiternis

17. Cum Domino regnando
in aeterno gaudeamus
per saecula.