68. In Commemoratione Animarum.

1. Jesu, fili Dei, rex et sacerdos
Hostiaque digna, parce redemptis,
Animas purgandas pie consolans.

2. Tuorum spiritus carne solutos
Non tradas opprimi labe pollutos,
Sed mundatos a te releva puros.

3. Ne sinas amplius hos cruciari,
Pro quibus anima tua sacrata
Cruce laboravit caput inclinans.

4. Expansis manibus flens et lacrimans
Voceque valida clamans rogasti
Patrem pro salvandis, solve captivos.

5. Da eis quietis loca beata

Cum sanctis omnibus regno coelesti,
Ad quod sunt creati et recreati.

6. Aeterna gloria cito recepti
Exsultent amodo te collaudantes,
Te glorificantes atque dicentes:

7. Laus tibi, trinitas, laus et potestas,
Te laudant pariter sancti gaudenter
Sine fine laeti tecum amantes.

G9. Lessus Poenitentis.

1. Deus, orbis reparator,
lux aeternae gloriae,
Mihi, quaeso, poenitenti
praebe pius veniam.
2. Ut commissa delitescant,
facinoris cumulus,
Quorum gravi mole cogor
anxiari spiritu.

3. En, ad rutila polorum
non sum dignus sidera
Infelices pro delictis
sublevare oculos.

i. Nisi tu clemens mearum
lacrimarum rivulos
Ope tuae pietatis
digneris respicere.
5. Ut ablata vitiorum
sorde puro pectore
Tibi regi sempiterno
grates queam solvere.
6. Ergo pius obstinati
duritiam corculi
Et mollesce et moerorem
sere medicamine.

7. Qui cum patre sempiterno
regni tenes solium
In unitate perenni
atque sancto spiritu.