64. De Resurrectione Domini.

1. Gaudent, ecce, per omnem cuncta

2. Mundum laeta condita;
creatorem canora
plectro sonent nunc organa;

3. Namque decet. Iucunda
iam depromat nunc lingua
celsa cantans cum fistula.

4. Aurea

phalanx festiva

nablo pulchra sonet symphonia.

5. Astrea

redempta turba

melica reboet harmonia.

6. En, omnis arva
suscipit ovans annua
Festa nunc celsa,
nivea in qua plaudit caterva.

7. Saeva dehiscat

umbra, lux clara emicat ;

Iam laetabunda

scandit proles celsa poemata.

8. Tace iam, stridula

blaterando per lingua
iam turba, stupens fulgida

9. Per arva iam sceptra
dominantis in saecla,
qui dira vastat tartara.

10. Radiat lux nova,
stupet gens Stygea,
plasma redemptum reditad supera
post busta moenia
Christi vexilla gestans victricia ;

11. Reserata claustra
nuntiant gaudia
multis in aula templi dominica ;
perampla mox loca
petunt gaudentes paradisiaca.

12. Surgit Christus iam ab ima
sepulcri claustra ; mox clara
famina pertonat
vox angelica

alumnos adloquens voce talia:
"Mors est absorpta dira
a Christi tropaea.

13. Vivit agnus post funera,
crucifixus qui fuerat ;
cernite vacua
tumuli loca;

vivida, en, membra gestat in
conspicua stigmata [arva;
refert ad supera."

14. Cohors pia

pergit iam in Galilaea,
anastasi divina attractans membra
fit mox laeta ipsa.

15. Ast peracta

divina munia boat
collegium, neumate confirmans
dogmata caeliea. [corda,

16. Cuncta cedant lubrica,
virtus quia
iam adest divina;
per mundi climata
abolitum est nefas hoc in pascha.

17. Plaudat odas nunc turma
voce celsa,
melodema tinnula
sonetque lira,
perite quoque recinat cantica.

18. Iucundemur in hac euprepia

19. Psallentes Alleluia, ut una

20. Post vitae metam

fruamur patria aeterna.