65. De Resurrectione Domini.

1. Arvi polique conditori
alacres ferant

2. Melodias

cetus, simul astra
necne aequora:

3. Reboare

non cessent globorum
luminaria.

4. Angelorum fistula
et vox societur nostra.

5. Redemptori carmina
iubilate, cacumina

6. Montium omnium ; silvarum,
frondium expandite densarum
floscula pulcherrima,

7. Campi, eremi, germinate
germina odorifera magnarum
rosarum et lilia.

8. Ortus, Occasus, Oriona
laudes reboent:
In excelsis Deo Hosanna.

9. Quem primum cecinit caterva
angelorum, pax
in tellure descendit vera.

10. Hodie caeli

melliflui facti nam exstant;

11. Maria undis

purpuratis conculis aequant.

12. Titan rutilat,
sed et radiis
suis placidum
affert iubarem et
cunctus orbis modo exsultat.

13. Clara processit
virga ex Iesse
proferens velut
ex aromatibus
virtutum unguenta optima.

14. Foeno iacere non obhorruit
patris proles unica ;

15. Ab arce summa patris venit legens
humillima loca,

16. Velatus carne nostra,

17. Vili strictus fascia.

18. Tempus impletum

corporis lustra sex iam peracta

19. Levatus cruce

alta patri Utatur hostia.

20. Expavit terra,

tremuerunt aequora,
monumentaque patent aperta,
sanctorum resurgunt corpora.

21. Immolatus nostra
salute, depositus
de cruce datur sepulcro, sed
et die resurgens tertia,

22. Ovem reduxit

ad caulas, quae dudum diu
oberravcrat.

23. Vox angelica

Christo reboat ovans de
ove perdita,

24. Pietate paterna
iam recuperata,

25. Ipsaque die sancta
visitans iam castra

26. Apostolicaque

ipsi dat praeconia
iucunda per saecla.