73. De eodem Argumento.

R O Deus, miserere,
Miserere servi,
Heu, quid evenit mihi !

1. Ex quo enim me jussisti
Hunc in mundum nasci,
Prae cunctis ego amavi
Caritate pasci.

2. Tu me, Domine, fecisti,
Ut servirem tibi,
Ego miser te dimisi
Et longe abivi.

3. Tu me quoque redemisti
De jugo servili,
Et ego te non agnovi
Nec ad te redivi.

4. Mandata, quae praecepisti,
Proh dolor, reliqui,
Fateor voce lugubri,
Nimium deliqui.

5, Almam legem, quam dedisti,
Denique neglexi
Et illa, quae vetuisti,
Avide dilexi.

6. Cuncta bona praeterivi
Animo libenti
Ac multa mala peregi
Pectore ferventi.

7. Voluptates non dimisi,
Sed his me addixi
Et totius me peccati
Vinculis devinxi.

8. Iram tuam provoca vi
Crimine frequenti
Ideoque te offendi
Offensa ingenti.

9. Sed quid plura dicam tibi,
O pia lux saecli?
Mala quoque, quae permisi,
Cuncta miser feci.

10. Ergo jam sucurre flenti,
Domine, clienti
Scelera tibi fatenti,
Veniam petenti.

11. Affer opem indigenti
Jam manu clementi,
Vulnera quae det egenti,
Medere languenti.

12. Subveni te invocanti
Et in te speranti,
Dextram da, quem redemisti,
Jam periclitanti.

13. Interea omnes sancti,
Cohaeredes Christi,
Exorate prece dulci
Pro me infelici.

14. Alma tu Maria, tui
Virgo matcr Dei,
Interventu nunc salubri
Memor esto mei.

15. Sancte Michael, insigni
Supplicato regi,
Deprecamur, atque cuncti
Angeloram chori.

16. Claviger quoque praecelsi,
Sancte Petre, regni,
Socios adjungens tibi
Preces funde patri.

17. Martyrum que gloriosi
Beatorum globi,
Flagitate pro miselli
Peccatis alumni.

18. Patriarchae quin electi
Et prophetae sancti,
Suffragamini pententi
Precibus clienti.

19. Virgines o clarae, vestri
Per amorem sponsi
Memoramini nunc mei
Delictis oppressi.
20. Insuper vos, summi Dei
Confessores almi,
Opem ferte peccatori
Oratu instanti.