ALGERIEN. 7 3

externo. Ratio est, nam cum matrimonium petat volunta- tem omnino voluntariam, nusquam libertas tam necessaria est quam in matrimonio ».

Statutum pariter in iure est maius voluntarium requiri ad matrimonium, quam ad alios coatractus civiles, Portius De impedim. matrim. Cons. 31, q. 3S p. 13: « Ad matri- monium magis et perfectius voluntarium requiritur quam ad contractus civiles ». Quin imo, prosequitur orator, adeo debet esse plena libertas in matrimonium contrahentibus, ut non modo compulsio, sed etiam compulsionis timor, seu iusta metus et parentum indignationis suspicio sufficiat pro metu. I ta edocet Zypaeus apud Van Espen part. II sect. II tit. 13 n. 1 : «Quando revera ex consilio viri prudentis con- staret, levem licet causam, vere tamen gravem metum in- cussisse, ut spontaneum consensum defuisse demonstretur, non dubium matrimonium pro irrito haberi, quia certe nihil interest quo metu qui compulsus sit, dum constet compul- sum esse ».

Ut autem timor matrimonium irritet necesse non est, ait advocatus, ut sit incussus ope minarum mortis vel huius- modi, sed sufficit timor cadens in constantem virum, sicuti Canonistae omnes docent. Ad gravitatem timoris metien- dam, advertit procurator, non solum inspici debet minarum natura, sed etiam qualitas personae, tam incutientis, quam patientis. Praesertim si pater sit qui metum incutiat filio, secum in eadem domo commoranti, et pater sit indolis as- perae et durae erga filium, rigidus et Severus et propositi tenax atque irremovibilis.

Receptissima insuper iurisprudentia est, pergit ipse, diu- turnas atque importunas suasiones, imo preces quoque assi- due repetitas, de proposito matrimonio contrahendo cum ti- more reverentiali coniunctas, etiam sine minis et verberi- bus, constituere metum cadentem in virum constantem, ef- ficacem ad infirmandum matrimonium. Ita Cosci De sepa- ratione tlwri lib. 3, cap. IV, n. 78 et seqq.; Pignatelli Vol. 9, cons. 180> n. 19; Pirringh Lib. IV, tit. 1, sect. 4,