75. De eodem Argumento.

R Jesu, clementer tribulantes subveni.

1. Audi me, Deus, peccatorum nimium,
Satis afflictum corpus vel spiritum,
Inique egi in conspectu Domini.

2. Bona sunt lucra in terrena patria,
Si quisque fruens cum divina gratia
Optime data de supernis militat,

8. Coelum resplendet de sanctorum merita,
Terra depremit insita malitia,
Ego misellus incurri per tenebras.

4. Deus aeterne, ad te clamo jugiter,
Lumen effunde et fervorem tribue,
Tamdiu vixi in meis miseriis.

5. Ecce, gravatus, per reatum saucius,
Computruerunt cicatrices nimium,
Insipienter defluxi in laqueo.

6. Facilis fui verbo et in opere,
Subministravi ventrique ingluvie
Pocula miscens et Falerna plurimum.

7. Gaudebam miser dignitate saeculi,
Oblitus eram in mandatis Domini,
Cursus incertum rugiebam nimium.

8. Heu, quid dicam, tristis cano carmina,
Singultus gaudet, vocem nescit scilicet,
Peccavi, Deus: miserere, pietas.

9. In bonis mihi reformare actibus,
Quousque tandem vita fui reprobus,
Ut tibi psallam liberatus laudibus.
10. Kastum conserva corpus atque animam,
Iram repelle et furorem tempera,
Praesta, largitor, mihi patientiam.

11. Labia et munda, pelle procul maculas,
Sobrie vivam, Christi jussis paream,
In domo Dei ut lucerna ardeam.

12. Miserque homo vel qui tanta tempora
Vixi infelix in meis negotiis,
Auxi peccata, cumulavi crimina.

13. Nutritus demum vita regulariter,
In domo Dei conversavi dulciter,
Jugum snscepi, Christianus habitum.

14. Ortat me sermo fragilem dominicus,
Quacunque die peccator revertitur,
Visum divina gratia hunc recipit.

15. Pietas Christi, me peccantem suscipe
Et patienter negligentem sustine,
Vocat ad regnum, invitat ad praemium.

16. Quanta qualisque Dei patientia
In me misello contemptore merito
Vita post mortem et amara dulcius.

17. Regem adoro, protectorem veneror,
Reatum meum relaxante opere,
Rosaeque vernae merces in altissimo.

18. Solemnem diem libertatis teneo,
In quo ereptus de morte pestifero
In aula Christi quietus resideam.

19. Te decet, Deus, laus in altissimo
Patri coaevo, nobis unigenito,
Terram misisti de paterno solio.

20. Ueritas lucet de terra justitia,
Cui contradicit diaboli astutia,
Captivus miser in superna patria.

21. Gloria Deo, decus sapientiae,
Patri coaevo et coaeterno filio,
Immo cum patre sanctoque spiritu.