(CAPUT VIII.)

De electione Generalis Ministri HUIUS Fraternitatis, et de Capitulo Pentecostes.

Universi Fratres unum de Fratribus istius Religionis teneantur semper habere generalem Ministrum et servum totius fraternitatis et ei teneantur firmiter obedire. Quo decedente, electio successoris fiat a Ministris provincialibus et Custodibus in Capitulo Pentecostes, in quo provinciales Ministri teneantur semper insimul convenire, ubicumque a generali Ministro fuerit constitutum: et hoc semel in tribus annis, vel ad alium terminum majorem vel minorem, sicut a praedicto Ministro fuerit ordinatum. Et si aliquo tempore appareret universitati Ministrorum provincialium et Custodum, praedictum Ministrum non esse sufficientem ad servitium et communem utilitatem Fratrum, teneantur praedicti Fratres, quibus electio data est, in nomine Domini alium sibi eligere in Custodem. Post Capitulum vero Pentecostes Ministri et Custodes possint singuli, si voluerint et eis expedire videbitur, eodem anno in suis custodiis semel Fratres suos ad Capitulum convocare.

EXPOSITIO.

1. Universi Fratres unum de Fratribus istius Religionis. Hic secundo providetur adversus occasum principalis Ordinis gubernatio quantum ad quatuor: primo, quantum ad generalis Ministri praefectionem et electionem. Secundo, quantum ad Capituli generalis celebrationem, ibi: Quo decedente. Tertio, quantam ad absolutionem Ministri inutilis, ibi: Et si aliquo tempore. Quarto, quantum ad celebrationem Capituli provincialis in singulis provinciis, ibi: Post Capitulum vero Pentecostes.

2. Dicit ergo pro primo: Universi Fratres unum de Fratribus istius Religionis teneantur semper habere generalem Ministrum et servum totius fraternitatis et ei teneantur firmiter obedire: Ecclesiastici quinquagesimo : Circa illum corona fratrum quasi plantatio cedri in monte Libano. In bis autem verbis tangit eius auctoritatem in nomine generalitatis: tangit etiam eius humilitatem, cu m dicit: ut sit servus totius fraternitatis, ut scilicet qui, dum subditus erat, obediebat uni, aut duobus, sciat, se, electum in generalem Ministram, debere omnium necessitatibus obedire. Tangendo autem eius auctoritatem et humilitatem notat etiam unitatem, dicens: vinum de Fratribus istius Religionis, quia sine uno capite nulla respublica stare bene potest. Unde unum Apostolum Dominus praefecit ceteris: Ezechielis trigesimo quarto : Suscitabo super eas pastorem unum, qui pascat eas, servum meum David: Matthaei duodecimo: Omne enim regnum in se divisum desolabitur.

3. Pro secunda particula addit: Quo decedente, electio successoris fiat a Ministris provincialibus et Custodibus in Capitulo Pentecostes, in quo prouinciales Ministri teneantur semper insimul convenire, ubicumque a generali Ministro fuerit constitutum, et dicit teneantur, ut ad hoc eos insinuet obligari ; et hoc semel in tribus annis, vel ad alium terminum maiorem vel minorem, sicut a praedicto Ministro fuerit ordinatum, quia pro diversis necessitatibus oportet temporis spatium variare. In Capitali huius exemplum congregati discipuli receperunt Spiritum sanctum, ut legitur Actuum secundo .

4. Et pro tertia parte addit: Et si aliquo tempore appareret universitati Ministrorum provincialium et Custodum, praedictum Ministrum non esse

sufficientem ad servitium et communem utilitatem Fratrum, teneantur praedicti Fratres, quibus electio data est, in nomine Domini, sine personarum acceptione ac nationum exceptione , alium sibi eligere in Custodem. Hoc nomen custodis actum dicit et non gradum, sicut nomen seraphim actum dicit, non ordinem

Isaiae sexto : Volavit ad me unus de Seraphim

secundum Dionysium.

8. Pro quarta particula addit: Post Capitulum vero Pentecostes Ministri et Custodes possint singuli, si voluerint et eis expedire videbitur, eodem anno in suis custodiis semel Fratres suos ad Capitulum convocare. Non negat, quin possint etiam Capitula provincialia aliis annis celebrare, sed de isto fit specialiter mentio, quia est prae ceteris necessarium , ut ordinationes generalis Capituli per Capitula provincialia celeriter publicentur, et ut possit de absolutis Ministris provincialibus provideri.