EXPOSITIO TEXTUS.

Sic omnes, etc.

Hic colligit quae dixerat, dicens : Sic, ut dictum est, Theosophi, id est, divina sapientes. AdminBookmark enim Deus, AdminBookmark sapiens

dicitur Graece, et Prophetae occulta inspiratione, id est, divinitus occulte inspirati. Et sumitur hic large prophetia pro quacumque inspiratione de occultis facta, sive sint praeterita, sive praesentia, sive futura. Moyses de praeteritis, dicens : In principio creavit Deus, etc . Isaias de futuris : Ecce Virgo concipiet . De praesenti, ut Ahias, III Reg. XIV, 4, cognovit uxorem Jeroboam, cum esset caligans oculis prae senectute. Et hoc dicit Gregorius in prooemio super Ezechielem. Theosophi dico distinguunt sancta sanctorum, id est, a quo est omnis sanctorum sanctitas, figuris sanctis, id est, sancta significantibus, incontaminatis , quia id quod vile est, ab eis amovetur cum Deo adaptantur : et honorant Theosophi figurationem sanctam propter figurata, dissimilem ei quod significat : et hoc ideo ut neque divina sint recte accepta immundis, id est, infidelibus. Hoc, ut divino rum veritatem ab eis occultent figuris, quam lacerare quaerunt : unde alia translatio habet " tractabilia. " Neque studiosi contemplatores mirabilium imaginum, id est, quaerentes pio studio imagines Deo aptatas ad inquisitionem, causae provocantes eos., ne remaneant in figuris tamquam veris, aestimantes secundum veritatem dici quod figuraliter dicitur. Unde et in hoc cavetur et impiis, ne sacra dilacerent blasphemiis, et bonis, ne in eis errent : quod posset contingere nisi vilitas figurae errorem excluderet. Alia littera habet: " Agalmatum loco imaginum : " et dicitur multipliciter in Graeco. Aliquando enim dicit expressam imaginem , quae intuentibus laetitiam efficit : quandoque vero dicitur imago similimma, sive laetitiam inferat, sive non. Itaque Theosophi honorificant divina negationibus veris, simpliciter dicentes Deum non esse talia secundum veritatem, et, idest, etiam honorificant similitudinibus diversis, id est, dissimilibus, ut supra dictum est, imaginationum, id est, figurarum compactarum, id est, decenter dictarum ad novissima, id est, juxta vilia, id est, vilibus rebus accepta. Alia littera loco imaginationum habet " apothematum, " id est, absurditatum : quia absurdum esset talia aestimare de Deo secundum veritatem.

Nihil ergo. Hic concludit propositum, scilicet nihil esse inconveniens si Angeli describantur vilibus figuris, cum in Deo etiam non sit indecens. Ergo ex quo sic est in divinis, nihil est inconsequens, id est inconveniens si Theosophi formant, id est, figurant caelestes essentias, id est, Angelos ex similitudinibus dissimilibus , id est, dissimiliter acceptis, inconvenientibus eis secundum veritatem, secundum, id est, propter dictas causas. Enim, id est, quia fortassis nos non utique, id est, certe non veniremus, duae negationes lo-

co iulius : vel aeque secundum aliam litteram per diligentem scrutationem divinorum, id est, divinarum Scripturarum, in anagogen, id est, in superiora ducti, ex indigentia ducente nos in quaestionem. Ipsa enim vilitas figurae iacit nos quaerere veritatem, ut sic in superiora ducamur. Non veniremus dico nisi deformitas, id est, indecentia formationis, id est, figurationis, Angelorum manifestatoriae, id est, qua manifestantur, nos extorqueret, id est, compelleret nos ad hoc. Deformitas dico non sinens animum nostrumremanere in dissimilibus facturis, id est, fictionibus formarum, id est, figurarum : sed cogens nostrum animum luctantem, id est, resistentem talibus figuris, negare passibilitates materiales , quae eis figuraliter attribuuntur, negare ab Angelis. Et cogens eumdem extendere, ut supra expositum est, pure, id est, non admiscendo spiritualibus materialia, per visibilia, quibus scilicet figurantur, in altitudines supermundanas, id est, Angelorum supra nostrum mundum existentium. Animum dico assuescentem ad hoc.

16