76. Contra Inimicos Oratio.

1. Respice de coelis, Deus,
respice propitius,

Da salutem, da virtutem
in te confidentibus,

Ubi Deus est eorum?
ne dicant in gentibus.

2. Judas, ecce, resurrexit,
ecce, venit impius,

Proditor magistri venit
perdere discipulos,

Ad te nostra fuga tantum
erit, Dei filius.

3. Inimicus veritatis,

inimicus patriae
Corde dolos machinatur,

accusator vulnere
Scorpionis more ferit
. et doloso gutture.

4. Cui nos servire cernit,

parere fideliter,
Cui haerere mandatis,

corde toto quaerere,
Hunc dormire nunquam sin

stimulus invidiae.

5. Fratrum turba Dei dono
quamque novit crescere,

Hanc prosternere molitur,
hanc vult interficere,

Cunctis simul desolatis
solus credit vivere.

6. Accusator fratrum venit
ecce, stat post ostium,
Nuntiat, qui pennas habet,
hostis antiquissimus.

7. Time, Judas, time Deum,
time, draco perfide.

Animam a te malignus
in hac nocte auferet.

Faciem et linguam tuam
vermes cooperient.

8. Sustinentes innocentes,
sustinentes modicum,
Suo adhaerent pastori

timore deposito,
Congaudentes et laetantes
sunt modo cum Domino,

9. Quisquis tale prosecutus

fuerit officium,
Sit in domo maledictus,

sit in agro profugus,
In secessum intestina

mittat sicut Arrius.

10. Foris pustulis marcescat,

Crescat juxta uterum,

Ejus dies pauci fiant,

cadat in interitum,

In profundo suo ruat

cum patre diabolo.

11. Hujus artus extendantur
cum immenso pondere,
Acutissimo et duro
feriatur cuspide,
Centrum esca fiat suum
pronampente stercore.

12. Respice de coelo, Deus,
respice propitius

Tolle nobis inimicum,
tolle adversarium,

Tua salva nos virtute
in potenti brachio.