73. In Pentecoste.

1. Nunc exsultet omnis

mundus, quia hodie Christus

2. Triumphavit, et vicit
leo fortis de tribu
Iuda radixque David ;

3. Exspoliavit furem
et crudelem; suos se-
cum reduxit captivos

4. Collocans illos

in aeternam gloriam.

Praedixerat

ipse iam suis,

quod die

tertia resurgeret.

En, adimplevit

sicut dixit, hodie.

5. Ad monumentum
custodia posita ;
Terrae motus
factus est magnus ;
angelus

ad lapidem accedens,
Quemque revolvit,
et sedit super eum;

6. Et exterriti

custodes prae timore ;

mulieribus angelus

blando adfatu loquens illis:

7. Nolite, inquit,
expavescere, vos ;
Iesus, quem quaeritis non est hic ;
surrexit, ut ipse praedixit.

8. Videte locum,
ubi fuit Dominus;
Recordamini,
quid vivens locutus sit,
Quod ipse die
tertia resurgeret.

9. Et nunc euntes
nuntiantes dicite,
Ut properent in
Galilaeam discipuli
Illum videre,
sicuti promissum est.

10. Illae regressae

a monumento percepta

nuntiant.

Audientes quidam

dubitaverunt

non credentes

vera esse, quae

dicebantur.

11. Quidam ex ipsis

ad monumentum videre

properant.

Ut mulieres iam

dixerant, ita

invenerunt

illum sublatum,

ut asserunt;

12. Dolore

nimio cordis
aestuantes,

13. Timentes,
ne visuri iam
eum essent.

14. Post haec frequenter eis
apparens

15. Praecepit, ut euntes
in mundum

16. Praedicent

evangelium et baptizent.
Et Dominus

Iesus, postquam locutus est
eis, ascendit in caelum.

17. Sedet in

excelsis ad dexteram patris

Venturusque,

ut reddat unicuique

secundum opera sua.

18. Ipsumque

ergo pura mente

obsecremus, ut memor

Nobis sit, qui pro grege suo

mori dignatus fuit

Et hodie

a mortuis victor surrexit,

ut nobis pius sit.

19. Ipse, qui

hominem perditum

reparavit, mundet nos

A noxa, qui signum in cruce

vexillum nobis dedit

Et sedet in

excelsis dextris sui patris ;

ac nobis memor sit.

20. Ne pereamus cum
damnatis,
sed cum iustis
pariter
gratulanterque iucundemus,

21. Hymnum novum ei
cantantes
ac in aevum
exsultantes
per cuncta semper saeculorum

22. Saecula.