79

PARISIEN.

DISPENSATIONIS MATRIMONII.

Die 18 Martii 1899. Sess. 24. cap. 5. De ref. matr.

COMPENDIUM FACTI. In parochiali ecclesia sub titulo San- cti Aloysii d'Antin, dioecesis parisiensis, Ioanna, 27 annos tunc nata, die 14 Martii 1896 matrimonium rite iniit cum quodam Eugenio, causidico, 38 annos agente.

Postridie nuptiarum sponsi rei coniugali operam dare conati sunt, sed matrimonium haud consummasse videntur, et licet tentamina pluries itérassent, haec semper in irritum cessisse coniuges asserunt. Verum in assignanda causa, cur sponsi non coiverint, ipsi inter se non concordant; quan- doquidem mulier hoc impotentiae viri, siphilitico morbo la- borantis, adscribit, dum vir adversam suae uxoris volunta- tem incusat, quae ad prolem evitandam coniugale debitum semper recusavit.

Cum exinde dissensiones inter ipsos exortae fuerint, vir coniugalem domum deseruit, non amplius reversurus, et apud laicum tribunal in ius rapuit Ioannam, petens sententiam divortii, quod revera dumtaxat in mulieris favorem fuit concessum.

Interea mulier sperans se libertatem etiam coram Ec- clesia consequuturam, ex consilio Curiae Parisiensis, ad SS. Principem supplicem misit libellum postulans, ut suum matrimonii vinculum dissolveretur, ex eo quod ratum tan- tum et non consummatum manserit. Emus Archiepiscopus Parisiensis, cui a S. Congregatione preces remissae fuere, per iudicem delegatum ad iuris tramites conficere curavit processum ac Romam acta transmittens, haec S. C. C. si- gnificanda esse duxit : « Ex his patet non consummatum fuisse matrimonium Vir nobis speciali modo a Revmo Archipresbytero Ecclesiae Metropolitanae commendatus est. Illum credimus impotentem. Uxor quamvis a testibus mariti